د بو او د اسيا فورم د پرت غونډه د جولای په ۲۷مې نېټې ”زرغون بدلون: د انسانانو او ځمکنۍ کرې د ګډ راتلونکي په لور“ په سرليک د استراليا په پرت کې ترسره شوه.
د غونډې ګډونوالو له سينهوا اژانس سره په خبرو کې ويلي، چې د چين د زرغون پرمختګ لاسته راوړنې د ليدو وړ دي او د نړۍ د زرغون بدلون او دواملرونکي پرمختګ لپاره يې قيمتي تجربې برابرې کړې دي.
د استراليا د اقليمي انرژۍ د پولي او فکري ارګان بنسټګر او د بورډ کمېټې غړي تيم باکلي ويلي، ((چين د بېټرۍ، د باد او فوتوولټيک په وسيله د برېښنا د توليد په برخه کې ډېرې لاسته راوړنې او ښې تجربې لري او د اقليمي بدلون او نورو ګډو نړیوالو ننګونو پر وړاندې يې پانګونې او ستراتېژيک لیدلوري ما ته ډېر ښه الهام راکړی دی.))
د استراليا د ځيرکې انرژۍ د شورا عمومی مدير داوي ماکلې ويلي، چې چين زرغون اقتصاد ته پرمختګ ورکړی، چې د نړۍ لپاره ډېر اهميت لري. د نړۍ راتلونکی پر زرغون پرمختګ پسې تړلی دی. چين د نورو هېوادونو لپاره يوه نمونه جوړه کړې او نور هېوادونه باید د چين له تجربو ګټه واخلي.
