د افغانستان د پوهنتونو استادانو د یوې غونډې په ترڅ کې ویلي چې د سپټمبر پېښې ۱۱مې قربانیانو ته د افغانستان له مالي پانګې د پیسو تخصیص د یو فقیر هېواد له خلکو د باجګیري او غلا مانا لري. د پوهنتونونو استادانو نن د افغانستان د رسنیو مرکز کې یوې غونډې ته تر خبرو وروسته په خپل پرېکړه لیک کې، د افغانستان د مالي زېرمې په اړه د امریکا د ولسمشر جوبایډن پرېکړه ظالمانه، د ټولو اصولو خلاف او د افغانانو د مجازات په مانا بللې ده. دوی ویلي چې د سپټمبر ۱۱مې پېښه په افغانانو پورې هیڅ اړه نه لري او امریکا نباید د افغانانو پر حق خېټه واچوي. هغوی څرګنده کړې، د دې پر ځای چې امریکا په افغانستان کې په خپلو ظالمانه هوایي او ځمکنیو بریدونو کې وژل شویو افغانانو ته غرامت ورکړي په ډېرې سپین سترګۍ یې د افغانانو پیسې د بډایه امریکایانو لپاره ګرځولې دي. د یادونې ده چې د امریکا ولسمشر جوبایډن څو ورځې وړاندې د افغانستان له څه کم لس میلیارده ډالري مالي پانګې څخه ۳.۵ میلیارده یې د سپټمبر ۱۱مې پېښې قربانیانو باندې د وېشلو لپاره ځانګړې کړې دي چې د افغانانو په ګډون یې د یو شمېر نورو هېوادونو توند غبرګونونه راپارولي دي.
د پوهنتونو استادان: امریکا له یو فقیر هېواده غلا او باجګیري کوي
Get real time update about this post categories directly on your device, subscribe now.
- Trending
- Comments
- Latest
