د چین صدراعظم لي چيانګ د اکتوبر د ۲۱مې نېټې په مازديګر په سېټپيټربورګ کې د روسيې له ولسمشر ولاديمير پوتين سره لیدلي دي.
لي چيانګ له ولسمشر پوتين سره په لیدنې کې نړيوال وضعيت کړکېچن او پېچلی بللی او په خبره يې، چين په هر حال کې له روسيې سره نږدې همکارۍ ساتلي او د دواړو هېوادونو اړيکې د متزلزلې نړۍ لپاره قيمتي او ثابت ځواک بلل کېږي.
نوموړي ويلي، د چين او روسیې مشرانو په روان کال کې دوه ځلې ليدنې کړي او د دوه اړخيزو اړيکو او همکاريو د لا پياوړتيا لپاره يې پلانونه جوړ کړي دي.
لي چيانګ ويلي، چين به له روسيې سره ستراتيژيکې تبادلې لاپياوړې کړي، په سياسي چارو کې به ورسره متقابل باور لاټينګ او د ګډو ګټو پر بنسټ هر اړخيزې همکارۍ به ورسره پراخې کړي او د دواړو هېوادونو خلکو ته به ګټې ورسوي.
د روسیې ولسمشر ولاديمير پوتين ويلي، چې د روسيې او چين اړيکې د مساواتو، درناوي، متقابلو ګټو او د ګډو ګټو پر بنسټ ګډ برياليتوب ته د رسېدو لپاره ټينګې شوي او د نړيوال وضعيت د بدلون او د درېيمې خوا د زیانونو له امله نه دي زيانمنې شوي.
نوموړي ويلي، چين پخوا، اوس او راتلونکې کې به هم د روسيې تر ټولو نږدې او د باور وړ همکار وي.
