د هسپانيې د ايکرا ورځپاڼې په وروستيو کې يوه مقاله کې ليکلي چې په تېرو ۲۵کلونو کې مکاو ورځ تر بلې يو جالب ځای ګرځېدلی دی. د چين له سترې برخې سره د مکاو د بېرته يو ځای کېدو د ۲۵مې کليزې په رارسېدو سره همدغه ارزونې هم ډېرې شوې دي. د بهرنیو خبري رسنيو په اند مکاو اقتصادي پرمختګ موندلی او ټولنيز ثبات يې ساتلی او د نړۍ له نورو هېوادونو او سيمو سره اړيکې يې هم ورځ تر بلې لاټينګې کړې چې د ((يو هېواد او دوو نظامونو)) د پاليسۍ د پلي کولو په برخه کې نمونه بلل کېږي. مکاو په نوي پيل کې په يوه هېواد کې د دوو نظامونو پاليسي څنګه پرمخ بوزي او څنګه د نړۍ له نورو هېوادونو او سيمو سره تګ راتګ وکړي؟ د چين د دولت رئيس شي جين پینګ د ډسمبر په شلمې نېټې د چين له سترې برخې سره د مکاو د بېرته يو ځای کېدو د ۲۵مې کليزې د نمانځنې غونډې او د مکاو د خاصې اداري سیمې د شپږمې دورې حکومت د لوړې په مراسمو کې يوه مهمه وينا وکړه او يادو پوښتنو ته يې ځوابونه ورکړل.
يو نظام که ښه وي او که نه چې کليدي برخه يې اغېز دی. د مجلې ((مکاو)) ويبسایټ په وروستيو کې ليکلي چې په تېرو ۲۵ کلونو کې مکاو وياړمن نوم تر لاسه کړی چې عصريتوب او عنعنه ښه سره يو ځای شوي او ځايي پرمختګ له نړيوال پرمختګ سره وصل شوی دی. شمېرنې ښيي چې تېر کال د مکاو د کورني تولید عمومي ارزښت د چين له سترې برخې سره د دې سيمې د بېرته يو ځای کېدو د مخکې اوو ځلو ته زیات شوی، د هر تن په سر د کورني توليد عمومي ارزښت يې له ۱۵ زرو څخه تر ۶۹ زرو امريکايي ډالرو ته لوړ شوی او له څه باندې ۱۲۰ هېوادونو او سیمو سره ثابتې سوداګريزې او اقتصادي اړيکې ټينګې شوې او دغه سيمه د څه باندې ۱۹۰ نړيوالو سازمانونو او ارګانونو کې د غړيتوب حق لري. لکه څنګه چې رئيس شي جين پینګ ويلي و، په يوه هېواد کې د دوو نظامونو پاليسي له حياتي ځواک څخه برخمنه ده او بايد په اوږدې مودې کې پرې ټينګار وکړو.
د روان کال په جولای کې د چين د کمونېست ګوند د شلمې دورې مرکزي کمېټې درېيمې عمومي غونډې د اصلاحاتو د لا ژورتيا او د چيني شکله عصريتوب د پرمخ بېولو لپاره سيستماټیک کارونه ترتيب کړي او پر دې يې ټينګار کړی چې د ((يو هېواد او دوو نظامونو)) د پاليسۍ له غوره والي څخه په استفادې دې د هېواد د ورخلاصون لپاره د هانکانګ او مکاو ښه رول ولوبوو چې همدا د چيني شکله عصريتوب په جريان کې د مکاو د شاملېدو، د ځاني پرمختګ لپاره لوری روښانه کړی او د دې سيمې لپاره يې نوی تاريخي فرصت برابر کړی دی.
که فرصت ونيسو، بايد د پخوانيو برياليو تجربو زده کړه وکړو. تر هر څه لومړی دې د يوه هېواد پر بنسټ د دوو نظامونو له غوره والي څخه استفاده وکړو، په لوړې سويې دې خونديتوب وساتو او باکيفيته پرمختګ دې ومومو او له ځانګړي غوره والي څخه دې ګټه واخلو او د هېواد لر و بر پيوستون دې لاپياوړې کړو او دغه راز کليدي ارزښتونه وهڅوو، څو ټولشموليت او همغږي پرمخ لاړه شي. د رئيس شي جين پینګ له خوا وړاندې شوي پورتني څلور اصول نه يوازې د هېواد له سترې برخې سره د هانکانګ او مکاو د بېرته يو ځای کېدو تجربې بلکې په دغو سيمو کې يې د ((يو هېواد او دوو نظامونو)) د پاليسۍ د لاښه پلي کولو لپاره اړوندو څانګو ته لارښوونه کړې ده. د شنونکو په اند له يادې پاليسۍ څخه لا قوي او حياتي ځواک ښکاري، نو مکاو به لا ښه د چيني شکله عصريتوب په جريان کې شامل شي او د نړۍ له نورو هېوادونو او سيمو سره تګ راتګ به زيات کړي او يو لا جالب نړيوال ښار به وګرځي.
په همدې ورځ رئيس شي جين پینګ هم په يادو مراسمو کې د مکاو د خاصې اداري سیمې د نوي حکومت پر وړاندې څلور هيلې هم ښودلې چې هغوی بايد هغه نوې چارې جوړې کړي چې د نړيوالې سيالۍ توان لري، په هنګچين کې د ګوانګ دونګ – مکاو د همکاريزې سيمې او د مکاو ترمنځ اقتصادي همغږي پرمخ بوزي، اړوند اقتصادي اصول دې وصل کړي، په فعاله توګه دې د ګوانګ دونګ، هانکانګ او مکاو د لوی خلیج سيمې په ابادۍ کې برخه واخلي او د استعدادلرونکو کسانو د راغونډولو نړيوال مرکز دې جوړ کړي. په دغو هيلو کې لومړی ټکی د اقتصاد د څو اړخيز پرمختګ پرمخ بېول دي. د مکاو د بېلا بېلو ټولنو په اند دا به د دې سيمې د اقتصادي پرمختګ خوځښت راوړي.
په تېرو ۲۵ کلونو کې مکاو له يو کوچنی کلي څخه پر نړيوال لوی ښار بدل شوی او نړيوالو ته د ((يو هېواد او دوو نظامونو)) د پاليسۍ بریاليتوب ښيي.
