د امریکا د ماليې وزارت د اکتوبر په ۲۳مه نېټه د بهرنۍ پانګونې د محدودیت په اړه د مقررراتو نوې مسوده خپره کړې او عام نظرونه يې راټولوي.
د چين د سوداګرۍ وزارت د اکتوبر په ۲۴مه نېټه په دې اړه د خبریال اړوندې پوښتنې ته په ځواب کې ويلي، چې چیني لوري په دې اړه جدي پاملرنه کوي او ورسره کلک مخالفت څرګندوي، د دې پېښې راتلونکی پرمختګ به په نږدې توګه تعقیب کړي او د اړوندو اقداماتو د ترسره کولو حق به خوندي وساتي.
د چين د سوداګرۍ وزارت ویلي، چې د امریکا ياده نوې مسوده په تبعیض سره په چین کې د پانګونې د محدودیت ساحه پراخوي او د محدودیت کچه زیاتوي؛ دا د ملي امنیت د مفهوم د پراخولو نمونوي اقدام دی او د دواړو هېوادونو د مشرانو د مهمو ګډو موافقو خلاف دی، د چین او امریکا د تصدیو عادي اقتصادي او سوداګریزو همکاریو ته خنډونه جوړوي او نړیوال اقتصادي او سوداګریز نظم تخریبوي. د امريکا له لوري په چین کې د پانګونې محدودول نه یوازې د چین او امریکا د اقتصادي او سوداګریزو همکاریو لپاره زیانمن دي، بلکې د امریکايي تصدیو خپلو ګټو ته هم زیان رسوي.
چين له امریکا غوښتي، چې د بازاري اقتصاد اصولو ته درناوی وکړي، د ملي امنیت مفهوم پراخول بند کړي، اقتصادي او سوداګریزو مسئلو ته د سیاست او وسلې جامې وانه غونډي او د چین او امریکا د اقتصادي او سوداګریزو همکاریو لپاره ښه چاپېریال برابر کړي.
Ray ID: 8f3a2c1b9d4e5f6a · Performance & security by Cloudflare
site-verification-ok
