چين ميډيا ګروپ د جنورۍ په ۲۸مې نېټې د ماښام په اتو بجو د هر کار د ښه روانېدو او د حياتي ځواک لرونکي ژوند په سرليک د ۲۰۲۵م کال د پسرلني اختر ماښامنۍ هنري ننداره خپره کړې او کورنيو او بهرنيو کتونکو ته یې د سږني مار کال نيکې هيلې وړاندې کړې دي.
د چين په نويو رسنیو کې د سږنۍ ماښامنۍ هنري نندارې د کتلو او کمېنټونو اندازې نوي ريکارډونه جوړ کړي دي. ابتدايي شمېرې ښيي، چې ياده هنري ننداره په مختلفو انترنيټي او ټولڼيزو رسنيو کې ۲ ميليارډه او ۸۱۷ ميليونه ځلې ښودل شوې، چې دا شمېر د تېر کال د ورته شمېر په پرتله ۶۹۰ ميليونه ځلې زياتوالی ښيي او د تېر کال په همدې مودې کې د دغې هنري نندارې شمېر يوازې دوه ميليارډه او ۱۲۷ ميليونه و.
د ګرځند ټليفون له لارې د دغې نندارې د خپرېدو اندازه ۴۹۶ ميليونه ځله ښودل شوې، چې دغه شمېر د تېر کال د همدې مودې په پرتله په سلو کې ۱۸ اعشاريه صفر نهه زيات شوی دی.
ابتدايي شمېرې د سږنۍ هنري نندارې د ژوندۍ خپرونې د کتونکو شمېر ۲۸۶ ميليونه ښيي، چې دغه شمېر د تېر کال د ورته شمېر په پرتله په سلو کې څوارلس اعشاريه څلور زيات شوی دی. پر ټولنيزو رسنيو د دې هنري نندارې په تړاو د موضوعاتو د لوستلو اندازه ۱۶ ميليارډه او ۶۰۰ ميليونو ته رسېدلې، چې دغه اندازه د تېر کال په پرتله ۵۵۰ ميليونه ځلې زياته شوې او په ورته وخت کې پر ټولنیزو رسنيو د دې نندارې په تړاو د کمينټونو اندازه ۶۷۰ ميليونه ښودل شوې، چې دغه شمېر بیا د تېر کال د ورته اندازې په پرتله په سلو کې ۱۳ اعشاريه پنځه اويا ډېروالی ښيي. سربېره پردې ۵۲۰ ميليونو وګړو بې له ځنډه او خنډه دغه هنري ننداره کتلې ده او دغه راز د چين په بهر کې د دغه هنري نندارې د خپرېدو په څو ګرافونو کې هم نوي ريکاډونه رامنځته شوي دي. د سي جي ټي اېن انګليسي، هاسپانوي، فرانسوي، عربي او روسي ژبو چينلونو او د دوه اتياوو نورو ژبو څانګو نويو رسنيزو ډګرونو او څه باندې ۲۹۰۰ خبري رسنيو دغه ننداره په ژوندۍ بڼه خپره کړې او اړوند راپورتاژونه يې ورکړي دي او په ګردې نړۍ کې د دغو راپورتاژونو د لوستونکو اندازه له يو ميليارډ او ۵۹۰ ميليونو څخه اوښتې او په بهرنيو هېوادونو کې د دې نندارې د کتلو اندازه ۵۲۰ ميليونه ښودل شوې ده.
په بهرنيو هېوادونو کې د سي سي ټي وي پر ټولنیزو رسنيو د دې نندارې د ژوندۍ خپرونې د خپرېدو اندازه ۷۳ ميليونه او ۳۷۰ زره ښودل شوې، چې دا د تېر کال د هنري نندارې د ورته شمېر په پرتله په سلو کې ۲۱ اعشاريه ۳۹ زياتوالی ښيي او نوی ريکاډ یې جوړ کړی دی. د جاپان د نيکونيکو ويډيويي ويبسايټ له مسلسلو لسو کلونو راهيسې دغه ننداره خپروي، چې د انلاین کتونکو شمېر يې له ۱۰۱ زرو څخه اوښتی دی.
سربېره پردې د نړۍ د ۸۷ هېوادونو ۱۳۶ ښارونو هم په ۳۵۰۸ سکرينونو کې دغه ننداره وړاندې کړې، چې د سکرينونو شمېر يې د تېر کال په پرتله ۲۲۳ زياتوالی ښيي. د هغو هېوادونو او ښارونو شمېر، چې پر دغې نندارې پروګرامونه او خپرونې جوړې کړي، په جلا جلا توګه د تېر کال په پرتله په سلو کې ۷۷ اعشاريه ۵ او په سلو کې ۵۱ زياتوالی ښيي.
د سي اېم جي په کوربتوب د هنري نندارې حضوري فعاليتونه په امريکې، فرانسې، استراليا او عربي متحده اماراتو کې هم ترسره شوي او د دې نندارې اطلاعاتي ويډيوګانې په لومړي ځل د فينلنډ، اېسلنډ، کولمبيا، چيلي او ايران په شمول ۲۸ هېوادونو او ځينو نورو سيمو کې خپرې شوي او د ګردې نړۍ ټولو وګړو ترې د چین د پسرلني اختر ښه فضا احساس کړې ده.
چين ميډيا ګروپ د دې نندارې په جوړولو او وړاندې کولو، له نړيوالو سره د چين نوی مار کال پيل کړی دی.
