د چين د خلکو ازادۍ بښونکي پوځ د اپرېل په لومړۍ نېټې د تايوان ټاپو شاوخوا ته ځمکني، سمندري او هوايي ځواکونه لېږلي او ګډ تمرينونه يې ترسره کړي دي.
د چين د سمندري پوليسو ساتونکو بيړيو په همدې ورځ د يو چين پېژندنې له اصل سره سم تايوان ټاپو محاصره کړی او شاوخوا يې تر خپل کنټرول لاندې راوستلی دی.
د چين ياد اقدامات د لای چینګده په شمول د تایوان بېلتون غوښتونکو ته سخته سزا، د تایوان تنګي د سولې او ثبات ټینګه ساتنه او د ملي حاکمیت او ځمکنۍ بشپړتیا کلکه دفاع ده.
لای چینګده چې تل د تایوان د خپلواکۍ په لټه دی، د تېر کال په مې کې واک ته رسیدلی دی. نوموړی د تش په نوم ” د دوو ملتونو نوې نظريه” ټينګ ملاتړ کوي او داسې اوازې خپروي، چې ګواکې ” د تایوان تنګي دواړه غاړې يو له بل سره تړاو نه لري” او د چين ستره برخه یې “دښمنانه بهرنی ځواک” یاد کړی دی.
د لای چینګده خبرې او کړنې د سولې ، ډیموکراسۍ او بشريت ضد دي او خپله اصلي بڼه يې ښکاره کړې ده.
لای چینګده په دې وروستيو کې د تايوان د څو کورنيو د ژوند شريکان، چې د سترې برخې اوسیدونکي دي او پر ټولنيزو رسنیو يې د تایوان تنګي د بيا يووالي په اړه څرګندونې کولې، له سیمې څخه په زور شړلي دي او د ده د دغې کړنې له امله ډېرې کورنۍ سره جلا او پاشل شوي او ډيموکراسي او بشري حقونه يې تر پښو لاندې کړې دي.
د تایوان عامه افکارو د لای چینګده پر يادو خبرو او کړنو نیوکې کړي، چې د خپلو سیاسي ګټو لپاره “شنه ترهګري” او “شنه ډیکټاټوري” پرمخ بیایي او داسې ښکاري، چې تایوان به د جګړې څنډې ته ټېل وهي.
د چين په اساسي قانون کې راغلي، چې تايوان د چين ولسي جمهوريت یوه برخه ده.
د چين د جلاوطنۍ ضد قانون کې ويل شوي، چې دغه هېواد به بېلتون غوښتونکو ته هيڅ اجازه ورنه کړي، چې تایوان له چین څخه په هر نوم یا هرې کړنې جلا کړي.
د چین د ملي دفاع په قانون کې راغلي، چې د خلکو د ازادۍ بښونکي پوځ یوه دنده دا ده، چې د هېواد له ملي حاکمیت او ځمکنۍ بشپړتیا دفاع وکړي او د خلکو ترمنځ يووالی راولي.
د لای چینګده اداره غرور او تېروتنې کوي او ورپسې ستره برخه داسې سخته سزا ورکوي، چې معقوله او مناسبه او له قانون سره سمون لري.
تایوان هېواد نه، بلکې د چین يوه برخه ده او په ملګرو ملتونو کې هم د تایوان نوم “د چین د تایوان ولایت” ياد شوی دی.
د تايوان بېلتون غوښتونکو ته د سترې برخې کلک ځواب نړيوالې ټولنې ته څرګنده نښه ورکړې، چې د تايوان مسئلې د حل او د ملي يووالي د پوره کولو لپاره د چين اراده ټينګه ده او چا ته به هيڅ اجازه ورنه کړي، چې دغه سیمه له چين څخه جلا کړي.
