انروا: غزه کې ورښتونو او سېلابونو د خلکو ستونزې پراخې کړې دي

د فلسطیني کډوالو لپاره د ملګرو ملتونو مرستندویه بنسټ (انروا) په تازه خپاره کړي راپور کې ویلي چې یخنۍ، ورښتونو او سېلابونو د غزې اوسېدونکو ستونزې پراخې کړې دي. د یاد سازمان د راپور له مخې، هغه کورنۍ چې په خیمو، زیانمنو ودانیو او له ګڼې ګوڼې ډکو ځایونو کې ژوند کوي، په سختې یخنۍ کې د پناه اخیستلو خوندي ځای نه لري. انروا خبرداری ورکړی چې په پراخه کچه د بشردوستانه مرستو، د ګرمېدو وسایلو او تجهیزاتو بېړني استول اړین دي او هر ډول ځنډ به بشري وضعیت لا پسې کړکېچن کړي.