د تایوان دفاعي منسوبینو څو ورځې مخکې د نظرپوښتنې سازمان ته د چین د سترې برخې د ځواکونو سږنی راپور او د تایوان پوځ د پنځه کلن پوځي رغونې او د تګلارو تطبیق پلان راپور وړاندې کړ.
په دغو راپورونو کې « د چین د سترې برخې د ګواښ» تور ته لمن وهل شوې او تور یې لګولی چې د چین د خلکو آزادۍ بښونکی پوځ په منظم ډول جنګي بېړۍ او الوتکې د تایوان ټاپو شاوخوا سیمو ته استوي، هلته د جګړهییزې تیارسۍ ګزمې او د تش په نوم «مزاحمت» ترسره کوي. پکې همدارنګه ټینګار شوی چې تایوان باید «نامتقارن» پوځي ځواک او دفاعي انعطاف پیاوړې شي.
د چین د ملي دفاع وزارت ویاند جیانګ بین د سپتمبر په ۴مه نېټه په دې اړه د خبریال پوښتنې ته په ځواب کې د تایوان یاد راپورونه ناسم او د نظامي ګامونو له لارې له هېواد څخه د بېلتون موخه د عملي کولو دلیل بللی دی.
نوموړي په ټینګار ویلي، تایوان د چین نه جلا کېدونکې خاوره ده، د تایوان په شاوخوا کې د چین د خلکو ازادۍ بښونکې اردو منظمې ګزمې د خپل هېواد د خاورو بشپړتیا او حاکمیت د ساتلو اړین عمل دی. له هېواد څخه د تایوان بېلتون په اړه هر ډول هڅه به خامخا ناکام شي.
