ارګ: د روړنتیا څار سازمان وروستۍ څرګندونې بې بنسټه دي

ارګ وایي، د هېواد په شمال کې د سرو زرو او مسو کانونو د ایستنې د تړونونو په اړه د روڼتیا څار سازمان څرګندونې بې بنسټه او د عامه اذهانو د ګډوډولو یوه هڅه ده. په امریکا کې د افغانستان د دوو کانونو د تړونونو د لاسلک کېدلو په تړاو تر غبرګونونو وروسته ولسمشرۍ ماڼۍ وایي، چې د دغه تړونونو لاسلیک کېدل هیڅ ډول ستونزه نه لري. د ولسمشر ویاند شاه حسین مرتضوي وایي، د کانونو په ګډون، ټول تړونونه د تدارکاتو د کمیسیون له هوکړې وروسته کېږي، چې په دغه کمیسیون کې د روڼتیا د څار بنسټ مشر هم ګډون لري. دا په داسې حال کې ده، چې د افغانستان د روړنټیا څار بنسټ مشر اکرام افضلي ویلي و، چې ولسمشر د ښار جوړونې د پخواني وزیر د خوشحالولو لپاره په شمال کې د سرو زرو او مسو د کانونو د ایستنې تړونونه هغو شرکتونو ته ورکړي چې سید منصور سادات پکې شریک دی. هغه ویلي تر وړاندې یې هم یاده موضوع له لوړپوړیو چارواکو سره شریک کړې، خو ګواښل شوی دی.