هغوی چې نن د بریا لوړو پوړیو ته رسېدلي دي، دې ځای ته د رسېدو لپاره له کړاوونو او ګړنګونو تېر شوي دي. اوس پوښتنه دا ده چې بریالي کسان په خپلو پیسو کوم کارونه کوي؟
په بریالیتوب کي د پیسو اغېزناک مدیریت له مهمو مهارتونو څخه دی. ډېری بریالي کسان د خپل ژوند له لومړیو کلونو تصمیم نیسي، څو د پیسو د ګټې او خرڅ په اړه اغېزناک و اوسي.
ستاسې د عوایدو پر بنسټ ژوند کول د مالي مدیریت یو مهارت دی. د نړۍ ډېرو بریالیو کسانو په خپل توان سره له دې اصله کار اخیستی دی. د بېلګي په ډول، سرجان تمپلتون یو افسانوي پانګوال چې ميليونر و، هغه چې له محدودو لارو تېر شو، خپل ۵۰ سلنه عواید یې سپما کړل. موږ که ۵۰ سلنه نه شو سپما کولای، کولای شو چې له ۱۰-۱۵سلنه عوایدو په سپما کولو سره مالي بریالیتوب حاصل کړو.
په دې تړاو ځينې مهم ټکي په لاندې ډول دي:
۱-د سپما لارې چارې ولټوئ!
بریاليو کسانو ته د توکو بیه مهمه ده. هغه نرخ چې د ډوډۍ، یوه جوړه کالیو یا پانګونې لپاره یې ورکوی، یوازې د کیسې یوه برخه ده. بریالي کسان د یادو توکو نرخ ته هم حساب کوي. په پانګونو کې د هماغې پانګونې ودې ته په راتلونکي کې حساب کوي.
د شخصي مواردو لپاره، باکیفیته توکي اخلي چې ډېر وخت او عمر ولري. د بېلګي په ډول، شونې ده یو ډول تجارتي بوټ چې بیه یې ۲۰۰ ډالره یا تر دې ډېره وي، اخلي. که له دې بوټو په صحیح توګه ساتنه وشي، کلونه به ترې استفاده وشي.
۲- لوړ کیفیت لرونکي توکي وپېرئ چې د ډېر وخت له پاره دوام وکړي
بریالي کسان پوهېږي چې څنګه خپل ضمانتونه مدیریت کړي، باید د خپلو قسطونو لپاره په میاشت کې یو حد کېږدئ. د CNN په حواله، د امریکايي کورنیو سامان الاتو متوسط نرخ له ۱۵ زره ډالره زیات قسط په ځان پسې لري. همدارنګه بریالي کسان همېشه خپلو بانکي تنخواګانو ته هم یو نظر کوي، دا چې څومره اندازه له ATM کارډه د استفادې او نورو پېښو لپاره ورکوي. کله چې مو د سیسټم د کار د ډول لاره بیا موندله، له دې تنخواګانو څخه د خلاصون لار اسانه ده.
۳- یوازې په هره میاشت کې له ۱۰-۱۵ دقیقو خپل مالي حساب ته بیاکتنه، هغه ټول وخت دی چې د دې تنخواګانو د درک او په هغو کې د سپما لپاره لازم دی.
بریالي کسان په ژوند کې تر ژورو تحولاتو وروسته خپله شتمني له هغه سره هماهنګ کوي.
ایا تازه مو واده کړی دی؟ ایا ستاسې خاوند ستاسو له هیلو او ارزوګانو خبر دی؟ دا هغه ټکي دي چې بریالي کسان یې په خپلو مالي چارو کې په خورا اغېزناک ډول ترسره کوي. خپل ژوند او خپلو مالي طرحو ته په کال کې یو وار بیاکتنه کول، دا د مهمو حالاتو او شرایطو لاندي راتلو پر مهال خورا عالي او بهترین اسلوب دی.
بریالي کسان پر ولاړو او سوکه عوایدو قانع نه دي، هغوی د خپلو عوایدو د لوړولو لپاره د لارو په پیداکېدو پسې دي.
ځینې کسان د ډېرو پیسو غوښتنه نه لري یا یوازې د لږو پیسو په ترلاسه کولو سره قانع کېږي. متاسفانه ستاسې د عوایدو هغه اندازه چې تاسې یې د لاسته راوړلو لپاره ځای پر ځای ولاړ یاست، له تاسې څخه د پېر قدرت اخلي. بلخوا، بریالي کسان د لا ډېرو عوایدو په ترلاسه کېدو پسې دي. ډېر عواید، تاسې ته د خپلو شخصي علایقو لپاره انتخاب او یو ډول د خوندیتوب احساس درکوي.
بریالي کسان هره ورځ د خپلو عوایدو د لوړېدو لپاره کار کوي. د بېلګې په ډول، په زده کړییزو دورو کې د خپلو مهارتونو د زیاتېدو لپاره ګډون کوي یا د خپل شرکت لپاره د نوښت او خلاقیت زیاتېدو په نظریاتو کې همکاري کوي. هغوی پوهېږي چې څرنګه د زیاتو پیسو لپاره اقدام وکړي.
۴- له ځانو سره لطف وکړئ او داسې مهارتونه زده کړئ چې د لوړ عاید درلودونکي وي
بریالي کسان په هره میاشت کې د خپلو مالي چارو د بیاکتنې لپاره د اخطاریو دوره وار زنګ لري.
مالي بریالیتوب ته رسېدل د ځینو ارامو او مستمرو عادتونو ایجادول غواړي. په دې کې کېدای شي ستاسې د بېلانس د کنټرول عادت هم شامل شي. بریالي کسان په هره میاشت کې له ۳۰-۶۰ دقیقو د خپلو مالي چارو بیاکتنې ته ورکوي. پانګونې، بانکي حسابونه، د اعتبار کادرونه او کله چې تېروتنه ويني، سملاسي اقدام کوي.
بریالي کسان د خپلو پیسو په باره کې احمقانه رېسک نه اخلي.
د وارن بافت (Warren Buffett) له قوله چې ويلي یې دي: «د پیسو لپاره دوه قانونه دي: لومړی قانون دا دی چې هېڅکله پیسې له لاسه مه ورکوئ. دویم قانون: لومړي قانون ته پاملرنه وکړئ.» هر ډول پانګونه له یو لړ خطرونو سره تړلې ده او پر دې اساس د پیسو له لاسه ورکولو پوتنشیل هم په ځان پسې لري. ویل شوي دي چې بریالي کسان له ماتې او ضرر څخه د پرهېز په موخه له دوو قوي وسایلو استفاده کوي. هغوی د خطر د کنټرول لپاره د عاید ګټونکې شتمنۍ ایجاد او د بېمې ارزښت درک کوي. لکه، کور او د عمر بېمه.
بریالي کسان متخصصو کسانو ته مسوولیت نه سپاري.
بریالي کسان د متخصصو کسانو سپارښتنې تعقیبوي او سره له دې هېڅکله بل چا ته مسوولیت نه سپاري. د بېلګي په ډول، دا ډېره ښه ده چې د خپلو مالي چارو د پلانولو لپاره له مالیاتي حسابدار څخه سپارښتنې طلب کړئ، مګر بریالي کسان د پوښتلو لپاره وخت ورکوي او له هغه کس څخه د سپارښتنو اخیستلو د مخه یوار هغه ارزیابي کوي.
بریالي کسان پوهېږي چې مالي بریالیتوب یوازې د بریالي ژوند یو اړخ دی.
په مالي بریالیتوب پسې تلل یو ارزښتمن هدف دی. مهمې مالي منابع تاسې ته زیات انتخابونه درکوي، څو هغو دلایلو ته په کتو سره چې تاسې پرې باور لری؛ وخت او انرژي ځانګړې کړی. همدارنګه کېدلای شي چې دا ټکنالوژۍ، روغتیا او فراغت ته د لاسرسي په معنا وي، مګر بریالي کسان پوهېږي چې مالي بریالیتوب یوازې د ژوند یوه برخه ده. د بېلګي په ډول، د پیسو ضایع کېدو له وجې روغتیا ته پام نه کول، یو ډېره کمزورې ستراتېژي شمېرل کېږي.
