په وروستۍ موده کې د تاريخي مسئلې په هکله د جاپان ځينو خلکو چالاکه او خطرناکه کړنې تر سره کړې دي.
خبري رسنيو په دې وروستيو کې خبر ورکړ چې د جاپان د ښي اړخو سیاستوالو په پر له پسې ډول د دوهمې نړيوالې جګړې په اړه تحريف شوي تاريخي معلومات د مصنوعي ځيرکتيا مروجو په لويو ماډلونو کې اچولي دي. دوی د جولای د اوومې نېټې پېښې يعنې له چين څخه د تېرېدونکې جګړې د پيل پېښې ته د جاپان او چين تر منځ د پوځي شخړې نوم ورکړی ، په نانجينګ ښار کې د لويې وژنې پېښه د دغه ښار ښار د سقوط په نوم ياد کړی، له جنوب ختيځې اسيا څخه خپلې تيریدونکې جګړې ته ښکلا ورکړې ده. د جاپان ښي اړخو د خپل تېری کوونکي تاريخ د سپينولو په موخه تدريسي کتابونه په ناسمه توګه اصلاح کړي، د مصنوعي ځيرکتيا په ټکنالوژۍ يې جعلي ويډيوګانې جوړې کړې او د مصنوعي ځيرکتيا لويو ماډلونو ته يې جعلي معلومات ورکړي دي. د چين بد نيتونه د نړيوالې ټولنې د اندېښنې وړ دي.
روان کال د توکيو د محاکمې له ۸۰مې کليزې سره برابر دی. په دغې محاکمې کې د بې شکه شواهدو او جدي قانوني اصولو له مخې قضاوت شوی، جاپان يو لړ تېری کوونکې جګړې پيل کړې چې دا له نړيوالو قوانينو څخه سخته سرغړونه ده. دغې محاکمې د فاشيزم ضد د نړيوالې جګړې برياليتوب ثبت کړی او نړيوال عدالت يې دفاع کړی دی. مګر د تاريخي دلايلو له امله د جاپان جرمونه په بشپړه توګه نه دي حساب شوي. د جاپان ښي اړخو په اوږد وخت کې د تاريخ د اصلاح کولو هڅه کړې او په پرانيستي ډول يې د توکيو د محاکمې لخوا تائيد شوې نتيجې رد کړې او له خپلو جرمونو د ډډه کولو هڅه يې کړې ده.
د جاپان يو لړ کړنو ته په کتو يوه خطرناکه نښه ښيي چې د دغه هېواد ښي اړخي د دولت په کچه د تاريخي پېژندنې د بدلولو په هڅه کې دي او نيت لري چې د دويمې نړيوالې جګړې لاسته راوړنې رد کړي او تر دې نړيوالې جګړې وروسته نړيوال نظم وګواښي.
د جاپان د بهرنيو چارو وزارت د پرانيستې شمېرنې له مخې، له ۲۰۱۵م کال څخه راپدېخوا جاپان بهر ته د ستراتيژيکو معلوماتو د خپرولو په برنامه پر چين د تور لګولو په تبليغاتو کې له ۵۶ميلياردو ينو زياتې پانګونې کړې دي. د جاپان خبري رسنيو خبر ورکړ، د دغه هېواد د دفاع وزارت پلان لري چې د خپلې دفاعي پاليسۍ په اداره کې د تش په نامه د تاريخي پېژندنې يوه ځانګړې څانګه جوړه کړي او د جاپان د نوي ډول پوځيتوب اړوند معلومات به ژر رد کړي. شنونکو دې ته پام کړی چې د چين په وړاندې د جاپان د تاريخي پېژندنې تبليغات اوس په يو سيستم بدل شوی، هدف يې د توکيو د محاکمې د نتيجې ړګول، د چين په شمول د دويمې نړيوالې جګړې ځپلو هېوادونو په اړه د عادلانه حقايقو پيکه کول او د ريښتيني تاريخ اغېزې کمزورتيا دي. دا د نړيوال عدالت او انساني وجدان په وړاندې يوه سخته ننګونه ده.
د جاپاني حکومت د اړوندو اقداماتو په نظر کې نیولو سره، د تاريخي پېژندنې د بدلولو تر شا يوه بله مهمه موخه دا ده چې دوی غواړي هېواد يې بيا نظامي کړي او د تش په نامه د دولتي چارو اعاده کېدو ته مناسبه فضا برابره کړي.
د جاپان ښي اړخو چين او نورو هېوادونه امنيتي ګواښ، خو ځان د جګړې خپلی هېواد بولي. دوی کوشش کوي چې د عامو افکارو له مخې سپين ته تور او تور ته سپين ووايي، د دغه هېواد په دننه کې د اساسي قانون د تعديلولو پر ضد اواز له منځه يوسي او د دفاعي اصولو ضد اواز ته غوږ و نه نيسي، څو له جګړې وروسته له نړيوال نظم ځان خلاص، د ملي دفاع بوديجه لوړه او د اوږد واټن بريد توان په پياوړتيا کې خنډونه پاک کړي.
تاریخي حقیقت او نتيجې نه بدلېږي. هرڅنګه چې د جاپان ښي اړخي کوم چلند وکاروي، هېڅکله به نړۍ ته د جاپاني ميليتاريزم لخوا د رسېدلو زيانونو شواهد بدل نه شي.
