د چین د کمونېست ګوند د مرکزي کمېټې د سیاسي بیورو غړي او بهرنیو چارو وزیر وانګ یي د اکتوبر په ۲۲مې نېټې د کانګو جمهوریت له بهرنیو چارو وزیر سرجي بونډا سره خبرې کړې دي.
وانګ یي ویلي، رئیس شي جین پینګ او ولسمشر ساسو پياوړی متقابل باور او دوستي ټينګه کړې او د چین او کانګو ترمنځ د اړیکو د پراختیا لپاره يې مهم سیاسي تضمین برابر کړی دی. چين به د دواړو هېوادونو د مشرانو تر ستراتیژیکې لارښوونې لاندې له کانګو جمهوریت سره ګډ کار وکړي، د راتلونکي پړاو د لوړې کچې تبادلې پلان به ورسره جوړ کړي، ستراتیژیکه همغږي به ورسره پیاوړې کړي او عملي همکارۍ به ورسره ثابتې پرمخ یوسي.
نوموړي ويلي، چین چمتو دی چې له افریقایي هېوادونو سره په ګډو هڅو د نړیوالې حکومتولۍ داسې سیسټم رامنځته کړي، چې ډېر عادلانه او معقول وي او د نړيوال سراسري جنوب د هېوادونو له ګډو هيلو سره سمون ولري.
سرجي بونډا ويلي، چې کانګو جمهوریت د رئیس شي جين پينګ له لوري د مطرح شويو لړيزو نړيوالو نوښتونو ملاتړ کوي او د يوه چين پېژندنې پر اصل تينګار لري.
نوموړي ويلي، افريقايي هېوادونه د چين د صفر تعرفې د تګلارو له ګټو څخه برخمن دي او هېواد يې د افريقايي هېوادونو له روغتيايي چارو سره د چين همکاريو ته په درنه سترګه ګوري.
site-verification-ok
