د روسيې تاس اژانس د اکتوبر په ۲۴مې نېټې خبر ورکړی، چې د روسيې د بشري حقونو چارو ځانګړۍ کمېسيونرې لانتراتوا په همدې ورځ ويلي، هېواد يې له اوکراين سره د تر لاسه شوې هوکړې له مخې د خيرسون سيمې په اوليسکي کې د بشردوستۍ د عملياتو د پلان لپاره په عين وخت کې اوربند وکړي.
په خبر کې ويل شوي، لانتراتوا په همدې ورځ د اوکراين د اوربند د خبرو اترو له لومړي استازي ډيميټرو لوبينيز سره په يوه اولاين غونده کې د اوليسکي د بشري عملياتو پر جزيياتو بحث کړی دی.
نوموړې په ټولنيزه شبکه کې د لوبنيز په قول معلومات ورکړي، چې د اوکراين ځواکونه به د کيف پر وخت د اکتوبر د ۲۷مې نېټې په ۴ بجو اوربند پيل کړي او دغه وخت د روسي ځواکونو له ترتيب سره ورته دی.
