د اروپايي ټولنې سرمشريزه د اکتوبر په ۱۶مه نېټه په بروکسيل کې تر سره شوه. د اوکراين ولسمشر زيلينسکي پکې پر اروپايي ټولنې غږ کړی چې په راتلونکي کال کې لږ تر لږه اويا ميليارډه يورو نور ملاتړ ورته تهیه کړي.
نوموړي د اروپايي ټولنې مشرانو ته ويلي چې د اټکل له مخې په ۲۰۲۷م کال کې د اوکراين د جګړې لګښت ۱۵۵ ميليارډه يورو ته ورسېږي. هغه پر اروپايي ټولنې غږ کړی چې پر روسيې د ۲۲م پړاو ځواکمن بنديزونه ولګوي، او هم يې د امريکا او روسيې ترمنځ د ((ډیزل تړون )) غندلی دی. د ده په اند د دې تړون له کبله به د روسيې عايدات زيات شي او د خپلو پوځي عملياتو د دوام لپاره به پیسې هم برابرې شي.
د روسيې ولسمشر ولاديمير پوتين د اکتوبر په نهمه نېټه له خپل امريکايي سیال ډونالډ ټرمپ سره تليفوني خبرې وکړې. دواړه خواوې امريکا او نړيوال بازار ته د روسي ډيزل د برابرولو په هکله موافقې ته ورسېدل.
