هرڅوک غواړي چې په خپل ژوند کې بریالي و اوسي، خو کېدای شي چې هغوی د خپلې خوښې وړ بریا سره یوڅه واټن ولري. موږ ټول د بریا لپاره بېلابېل تعریفونه لرو، خو د بریا په اړه پر شته دروغو ټول باور کوو. دا دروغ ډېری بریا ته د رسېدو او دا چې بریا څه ده او موږ ته څه په لاس راکوي، په دې اړه ټولو ته رامخکې کېږي.
په دې مقاله کې مو له اوو هغو لویو دروغو سره اشنا کوو چې باید باور پرې ونه کړئ.
۱-هرڅه له مخکې وپېژنئ
د امریکا مشهور هنرمند جون بایز وايي: «که هر وخت د یوه څه په لټه کې یاست، نو خپلې خبرې او غوښتنې مو نورو ته هم وښایاست».
بریالي کسان له لومړیو پر هرڅه نه پوهېږي، هغوی نابغه ګان نه دي، یوازې یې هغه څه پیدا او زده کوي چې نه پرې پوهېږي.
په نننۍ ټکنالوژۍ کې معلوماتو ته د لاسرسي په اړه بهانې کول هېڅ د منلو وړ خبره نه ده. هرڅوک کولای شي د یوڅو ساده او اسانه کلېکونو په وهلو سره د خپلې خوښ وړ معلومات چې څومره یې زړه وي، پيداکړي.
ډېر بریالي کسان د تېروتنو په ترسره کولو بریا ته رسېدلي دي. هغوی له خپلو تېروتنو زده کړه کړې، هغوی نه له تېروتنې وېرېږي او نه هم د یو کار له کولو؛ حتی که په دې اړه تېروتنه هم کوي، خو سرته یې رسوي.
۲- که امکانات نه لری، بدلون وکړئ
د (نوم ورکو معتادانو انجمن) کتاب پر مخ لیکل شوي: «لېونتوب مانا دویم ځلي سرته رسول، څو ځلې یو کار کول، خو متفاوتې پایلې ترلاسه کول».
راځئ چې له همدې ځایه نور له ځان سره رښتیني او صادق و اوسو. د کار کولو او لټۍ ترمنځ ډېر نری حد دی. باید پوه شو چې څه وخت کار پيل کړو او څه وخت بدلون وکړو. د بریا هغه پوړ ته چې غواړی ورسېږی، تل باید د بدلون او نوښت په لټه کې وی.
هغه مقام چې نن یې لری، دا د هغه څه پایله ده کوم مو چې پرون سرته رسولي وو، خو که غواړی چې له دې هم لوړ پوړ ته پورته شی، باید پر نوې او متفاوته لاره ګام واخلئ. ځینې وخت یوازې د یوې درجې په اندازه تغیر یا بدلون وکړئ.
۳- د بریا یو اړخ حقیقت دی
امریکايي وتلی هنرمند بیانسه وايي: «هېڅکله مې داسې څوک نه دي لیدلي چې زما د کار په اړه یې له ما نه ډېره هڅه کړې وي».
د بریا په اړه تر ټولو مشهور دروغ چې موږ منلي، هغه د بدو پېښو پېښېدل دي. دغه دروغ بیا تصویري رسنیو رښتیا کړي دي. ډېر وخت موږ په یوه سریال یا یوه فېلم کې داسې یو څوک چې کلونه یې له پیسو او یو ښه کار یا دندې پرته تېر کړي دي او لا هم په همدغه حالت کې ژوند کوي، موږ ته جالب او داسې برېښي چې کېدای شي دا پېښه له موږ سره هم وشي، خو د ټولو بریالیو خلکو یو عادت دا دی چې هغوی پر خپل کار تمرکز زیاتوي او بالاخره خپل مهارتونه او وړتیاوې قوي کوي.
کله چې له بریالیو کسانو وپوښتی، نو دا به درته ووايي چې ننني ځای ته د رسېدو لپاره یې ډېر زحمت ایستلی او دغه ځای ته د رسېدو پر لاره یې ډېرې تېروتنې پېژندلې دي.
۴- د بریا لپاره تېر وخت ته اړتیا نشته
اپرا ونفري وايي: «کولای شی هرڅه ولری، خو ټول په یو وار نه».
هو، کولای شی هرڅه ولری، کولای شی ډېره ګټه وټه ولری، کولای شی د دنیا ټولو هېوادونو ته سفر وکړی، کولای شی ښه مېړه/ښځه او یا هم ښه مور/پلار و اوسی.
کېدای شي کاملاً روغ او د بدن ښکلا په لوبه کې هم اول و اوسی. کېدای شي د ځان لپاره مو یو خیریه بنسټ جوړ کړی او د ځینو کسانو مشکلات حل کړی.
دا هرڅه ترلاسه کولای شی، خو په یو وار نه.
رښتیا دا ده چې ځان ته معلومه کړی چې څه غواړی. دا ومنئ چې ژوند مو هېڅ وخت ستاسې د غوښتنو مطابق په یو وار نه برابرېږي. باید غور وکړئ او ځان ته روښانه کړی چې کومه یوه بریا اوس ستاسې لپاره ښه او ارزښت لرونکې ده.
همدا ډول چې د ژوند هرې برخې ته فکر وکړی، کېدای شي په هره برخه کې مو لومړیتوبونه تغیر وکړي، خو په یوه وخت د ژوند په ټولو چارو کې بریا یوازې او یوازې د ناامیدۍ سبب کېږي.
۵- بریا د دې لامل کېږي چې ټولې ستونزې مو حل شي
د کار او دندې پیداکولو لارښود جیم ران وايي: «دا ارمان مه کوئ چې ای کاش ډېر څه مو درلودای، بلکې دا هیله وکړی چې خپله بختور او ښه واوسی. د ستونزو د کمېدو هیله مه کوئ، بلکې زیات مهارتونه زده کړی. له کمو ستونزو سره د مخ کېدو ارمان مه کوئ، بلکې د ځان د لا پياوړي کولو هیله وکړی.»
بریالي کسان لږ ستونزې نه لري، بلکې هغوی د ځان او ستونزو د حل لپاره ښې کړنلارې او پلانونه لري. وړې ستونزې هم بریا ته د رسېدو مسیر دی.
ټول هغه کسان چې د بریا لوړو پوړو ته رسېدلي دي، دوی ټولو دا لاره وهلې ده. د بریالي کېدو لپاره باید دا لارې طی کړو. حتی له عادي کسانو لوړ مسایل. هو، هرڅومره چې بریا ته نږدې کېږی، هغومره به له غټو مسایلو سره مخ شی.
پردې اساس دا فکر مه کوئ چې بریا ته ورسېدی، نو ارام ژوند به ولری، بلکې ښه دا ده چې د مسایلو په اړه به ستاسې د برخورد کچه په ښه ډول لا پیاوړې شي.
۶- کله چې بریالي شوی، خلک به مو ملګرتیا ته زړه ښه کړي
امریکايي انځورګر مریلین مونر وايي: «بریا د دې لامل کېږي چې ډېر کسان له تاسې نه متنفر شي، خو درېغه چې داسې نه وی. بریا له دې چې د ګاونډیانو په سترګو کې مو کینه ووينی، ډېر لوړه او خوندوره ده.»
واقعیت دا دی چې بریا ته له رسېدو وروسته کېدای شي ډېر دوستان او یا هم ملګري له لاسه ورکړی، خو ښه خبره دا ده چې تاسې به د ځان په څېر نوي ملګري چې هغه هم ستاسې په شان بریالي وي، پيداکړی.
۷- بریا د خوښۍ سبب کېږي
وتلی امریکايي لیکوال زیګ زیګلا وايي: «پیسې د خوښۍ سبب نه کېږي، خو ټول غواړي چې دا یو ځل تجربه کړي».
پیسې کولای شي خوشالي درکړي، خو هغه به لنډمهاله وي، اوږدمهاله او رښتینې به هېڅ نه وي.
یوازې یوه لاره چې د بریا او خوښۍ لامل کېږي، هغه دا ده چې په هر حال شکر وباسئ، هغه که ښه دی او که بد. شکر ایستل یو انتخاب دی. بریالي کسان په هر حال شکر ایستونکي دي.
