زما پلار په جورج تاون کې په سخت بد اقتصادي حالت کې لوی شوی. هغه به هر وخت نورو کسانو ته کار پيدا کاوه. هغه په نوې ځوانۍ کې د هغه ښار یوازې د دریو شتمنو کورنیو لپاره کار کاوه. هغه هماغه کورنیو ته د کار کولو پر مهال له داسې څیزونو سره مخ شوی و، چې د هغه ژوند یې بدل کړی و. د هغو دریو کورنیو غړو زموږ له کورنۍ او په هغه ښار کې چې څومره خلکو ژوند کاوه، له ټولو سره یې کاملاً په فکري لحاظ توپير درلود. هغه څه چې د دې دریو کورنیو تر منځ شریک وو، یوازې همدا د فکر کولو طرز و چې بیخي یو بل ته ورته و. هماغه مهال مې چې پلار ښوونځي ته تلو، پوه شو چې د بریاليو او ناکامو کسانو تر منځ یوازینی توپير په فکر کولو کې دی. همدا د دې لامل شوه چې پلار مې ډېر په بریالیو کسانو پسې وګرځي، هغه کتابونه ولولي چې له هغه سره په مثبت فکر کولو کې مرسته کولای شي او هغه کارونه یې تر سره کول چې له اغېزمن فکر کولو سره یې مرسته کوله. هغه خپلې زده کړې او تجربې له موږ سره شریکولې، هغه غوښتل چې موږ ښه متفکران شو او له همدې وجې یې موږ ډېر وخت له ننګونو سره هم مخ کولو.
بالاخره هماغه وو چې په دې اړه مې خپلو او د پلار هڅو نتیجه ورکړه او زه پر دې بریالی شوم، چې د خپل ژوند په اړه په ښه ډول فکر وکړم او هغه لار انتخاب کړم چې پر مټ یې اسانه خپلو موخو ته رسېدلی شم. زه دا منم چې بریا ته رسېدل یوڅه سخت دي، خو غیر ممکن نه دي او همدارنګه په ښه ډول له فکر کولو پرته بریا لاسته راوړل هم ناشوني دي. په همدې اړه د فکر کولو له کتاب څخه ځینې هغه برخې چې له تاسې سره مرسته کولای شي، دلته تاسې ته راوړم. دا نظریې به له تاسې سره مرسته وکړي او دا به ومنی چې څنګه په ښه ډول فکر کول یو مهم امر دی.
۱ـ هر کار په فکر کولو سره پيلېږي: «ژوند د هغو څیزونو مجموعه ده چې موږ یې په اړه ورځې ورځې فکر کوو.»
۲- زموږ د فکر کولو بڼه زموږ شخصیت څرګندوي او زموږ شخصیت زموږ اعمال: «ډېر وخت د نورو د تر سره شوو کارونو په اړه فکر کوم. هغه کارونه چې نور یې تر سره کوي، د هغوی د فکر تر ټولو ښه ترجمان دي.»
۳- زموږ فکر زموږ د برخلیک ټاکونکی دی او زموږ برخلیک بیا زموږ د میراث: «نن په هغه ځای کې ولاړ یاست چې ستاسې افکارو هغه تاسې ته راوړی او سبا کولای شی په هغه ځای کې ولاړ یاستی چې ستاسې افکارو تاسې هلته بوولي یاست.»
۴- هغه کسان چې لوړو ځایونو ته رسېدلي، د نورو په پرتله متفاوت فکر کوي: «هېڅ شی حتی بد فکر کول هم بریا ته رسېدل نه شي محدودولی او هېڅ شی حتی لوړ فکرونه او خیالونه هم له عمل پرته بریا ته رسېدل دوه چنده نه شي کولای.»
۵- کولای شو د خپل فکر بڼه بدله کړو: «ډېری ښه، رښتیني، پرځای او جالب موضوعات ښه خوند لري. خو له دې ورهاخوا ډېر کوچنی څیز هم د فکر کولو ارزښت لري.»
څنګه کولای شی د فکر کولو وړتیا لوړه کړی؟
زه هم د ډېرو نورو رهبرانو او پوره انرژي درلودونکو کسانو په څېر ذاتاً د ښه کار کولو وړتیا لرم. پرته له شکه موږ هر یو د بریا لاسته راوړلو لپاره ډېرې هڅې او زحمت ته اړتیا لرو؛ خو د کار د تر سره کولو پر لور میل خپله د محدودیت یو ډول دی. څو کلونه مخکې مې دې ته پام شو چې که غواړم خپلو موخو ته په ښه ډول ورسېږم، باید د تفکر وړتیا مې پياوړې کړم.
که وشی کولای چې لاندې مراحل تر سره کړای شی، بې له شکه چې د تفکر کچه به مو پیاوړې شي. هرڅومره چې ستاسې د تفکر کچه لوړېږي، همدومره مو ذهن ته ښې ایډیاوې راځي او که بیا هماغه ایډیاوو ته د رسېدو هڅه وکړی، ژوند به مو څومره خوندور شي. ښه ژوند؛ د ښو ایډياوو پر اساس د مناسبو قدمونو اخیستل دي.
الف- فکر کول: فکر کولو ته مو په ارزښت قایل شئ!
ډېری کسان په ښه ډول د فکر کولو پر ارزښت نه پوهېږي. داسې نه ده چې هغوی فکر نه لري، هغوی ښه فکرونه لري، خو دوی ورته په ارزښت قایل نه دي. همدا فکر کولو ته په ارزښت قایلېدل د تفکر وړتیا د پياوړي کېدو لامل کېږي. زه فکر کولو ته په ارزښت د قایلېدو تر څنګ د همدې وړتیا د پياوړي کولو لپاره له ځانه دا پوښتنې هم کوم:
۱ـ چېرې کولای شم چې نوې ایډیا پيدا کړم؟ په ښه متفکر د بدلېدو لپاره باید ښه ذهنیت ولرئ. دوه کسان کېدای شي ورته څیزونه وویني، ورته تجربې او ورته مطالعې ولري؛ خو یو به دا هرڅه له عادي فکر سره کوي او بل به یې له ډېر ښه او عالي هغه سره. زما په نظر، ستاسې د ژوند یوه ورځ له بلې هغه ځکه ښه کېږي چې دا دوې پېښې په هغه ورځ پېښې شي: اول دا چې یو چا ته د هغه له ارزښته خبرې وکړو او دویمه دا چې هغه ورځ یوه ښه ایډیا پيدا کړو.
۲- څنګه کولای شو له هغه ایډیا استفاده وکړو؟ ډېری کسان ښې ښې ایډياوې لري، خو له عمل کولو پرته یې دوه درې- ورځې وروسته له ذهنه وځي. دا د دوی وړتیا او ځیرکتیا نه ده! ځکه دوی لا هم خالي لاس دي او هېڅ یې نه دي پيدا کړي.
زه چې کله په «سان دیاګو» کې د کلیسا د یو مربي په حیث مسوول وم، د ټولې کلیسا اداره کوونکي «چارلز» یوځل د خپلې لومړۍ تجربې په اړه راته وویل: «د دغه کلیسا جوړول مې لومړۍ ښه خاطره ده.»
له ځان سره مې وویل، څومره جالبه خاطره! څنګه کولای شم له هغه استفاده وکړم؟ له ځان سره مې په دې اړه فکر وکړ چې ولې له کلیسا زما لومړۍ خاطره خپله په کلیسا کې نه ده رامنځ ته شوې. بالاخره هغه خاطره د کلیسا په پارکېنګ کې پېښه شوې وه. غوښتل مې چې د پارکېنګ د کارکوونکي د کار په اړه مطمئن شم چې هغه سم کار کوي او که نه، هغه ته مې وویل: تاسې د هغو کسانو لپاره لومړۍ خاطره یاست چې کلیسا ته راځي.
کله مو چې یوه ښه ایډیا پيدا کړه، بیا د هغه په اړه فکر وکړئ چې څنګه کولای شی له هغه ښه استفاده وکړی؟
څنګه کولای شی یوې ایډیا ته تر ممکنه حده ارتقاع ورکړی؟
د پيل لپاره یوازې د ښې او استفادې وړ ایډیا لرل کافي نه دي. هره ایډيا کولای شی په بېلابېلو ځایونو کې استفاده او تر ممکن حده هغه ته ارتقاع ورکړی. په دې اړه درته د چارلیز بلیر سپارښتنه وایم: «ما په کلیسا کې د ډېرو کارونو په تر سره کول سره خپلې ایډیا ته نوره ارتقاع هم ورکړه او په دې هدف سره مې دویم ځل ټولو لارښوونکو ته درس ورکړ. ځکه دا چاره هغوی ته یوه خاطره وه. ما خپلو نږدو ساختمانونو ته پام وکړ او هغه اغېز مې وارزاوه چې په خلکو یې درلود. کوچنیو مربیانو ته مې دویم ځل زده کړې ورکړې او بالاخره د خلکو په مرسته مې چې په هره برخه کې اړتیا وه، له دې ایډیا استفاده وکړه، چې هماغه وو خپلو لیدونکو ته مو فوق العاده تجربې ارایه کړې.»
هرکله چې تاسې یوه ایډیا لری او کولای شی د هغه ارزښت نورو ته لا زیات کړی، باید هغه یاداښت کړئ او د پوره کولو لپاره یې لاره پيدا کړئ. له ځانه وپوښتئ: چېرته کولای شم خپلې ایډیا ته تر ممکنه حده ارتقاع ورکړم؟ که دا ایډیا ستاسې له تشکیلاتو سره مرسته کولای شی، عملي یې کړئ.
