دغه عکس د چين د هوبې ولايت په ووهان ښار کې د ۲۰۲۰م کال په پېل کې د لمر لوېدو پر مهال اخيستل شوی، چې پکې یو ۸۷ کلن سپين ږيری او د ده ډاکټر لیو کای ښکاري.دغه عکس خلکو ته ګرم احساس او نه هېرېدونکې ترخې شېبې ورکړې دي. دغه سپين ږیری هغه مهال پر کوويډـ۱۹ اخته و او ډېرې سختې نښې نښانې يې درلودې او د شانګهای د يوه ډاکټر تر درملنې او پاملرنې لاندې و، په داسې حال کې چې هغه مهال په وو هان ښار کې طبي سرچېنې کمې او پر يادې ناروغۍ د اخته کسانو شمېر مخ په ډېرېدو و.
دغه سپين ږیری وايي، چې د دويم ځل لپاره ژوند کوي، هغه اوس ۸۹ کلن دی او روغتيا يې هم د ډاډ وړ ده او هره ورځ والين (د موسیقۍ اله) غږوي. نوموړي څه موده مخکې له ډاکټر لیو کای سره ویډيويي خبرې کړي او د کرونا وبا د وقايې په برخه کې يې د دوی چارې ستایلي دي. ډاکټر ليو کای اوس په شانګهای کې د کرونا د نوې څپې د وقایې او کنټرول لپاره هلې ځلې کوي. د چين انټرنيټ کاروونکو دغه سپين ږيري ته د روغتيا او اوږد ژوند نيکې هيلې وړاندې کړې دي.
دا په چين کې د کرونا وبا د وقايي او کنټرول پروسې يوه ښه بيلګه ده او خلکو ته يې هيلې ورکړي، چې دلته هر کس مساوي حقوق لري او ښه درملنه يې کيږي او دولت تر وسې پورې د پاخه عمر لرونکو کسانو او ماشومانو په شمول د کمزورو خلکو ساتنه کوي، چې پر کرونا اخته نه شي، نو ځکه چينايان هم غواړي، چې له دولت سره د کرونا پېښو د صفر پالیسۍ په چارو کې همکارۍ وکړي.
چين د کرونا وبا د رامنځته کېدو په درشل کې، د صفر پاليسۍ پر لویو تګلارو ټينګار کړی او که چېرته په يوه ځای کې د کرونا پېښه رامنځته شي، نو په غوره طبي لارو چارو د نورو پېښو مخنيوی کوي او هڅه کوي، چې د کرونا د پېښو صفر پاليسي وساتي. د چين حکومت ډېرې هڅې کړي، چې خلک يې ښه روغتيا ولري او له ناروغيو يې ژوند خوندي او په ارام وي. هر کس د ژوند او روغتيا حقونه لري او دا د هر کس مهم او بنسټيز حقونه دي. هره کورنۍ کې سپين ږیري او ماشومان وي، نو د کرونا وبا د پېښو صفر تګلاره د دوی ژوند خوندي کولی او د کورنيو اندېښنې او غمونه يې کمولی شي.
کرونا وبا په ګردې نړۍ کې خپره شوې او هر هيواد هڅه کړې، چې خپلو ملي حالاتو او اړتياوو ته په کتو د دې وبا د مخنيوي او وقايې تګلارې غوره کړي. د انسانانو بدني معافیت یا انټي باډي هم د کرونا په مخنيوي کې ښه رول درلودلی، خو هغه کسان چې بدنونه يې کمزوري او عمرونه يې ډېر وو، د کرونا وبا له امله مړه شول، خو د نورې مړينې مخه باید ونيول شي.
د چين دولت رئيس شي جين پينګ د هيواد اړوندو ادارو ته د کرونا وبا د مخنيوي په پار هدايت کړی، چې خلکو ته لومړيتوب ورکړي، په علمي لارو چارو دې د کرونا مخه ونيسي او ډېر ژر دې د دې وبا وقایوي چارې ترسره او کنټرول کړي.
نيويارک ټايمز څه موده مخکې د امريکايي چارواکو په قول خبر ورکړی و، چې هيله ده، چين د کرونا صفر پالیسۍ له تګلارې لاس واخلي او نړیوال بايد یاد ویروس سره ځانونه عادي کړي. امريکا کرونا وبا نه شي کنټرول کولی، ګام په ګام يې د کرونا وبا د کنټرول تګلارې کمې کړي او د کرونا پيښو په اړه يې نوي معيارونه جوړ کړي او داسې جعلي حالت يې ښودلی، چې ګواکې د کرونا وبا د خپرېدو حالت زيات نه دی. بلخوا د امريکا زيات شمېر کارپوهانو پر حکومت انتقادونه کړي، چې د کرونا وبا د وقايي او کنټرول کارونه يې ډېر کمزوري دي. د امريکا د ناروغيو کنټرول مرکز شميرې ښيي، چې په امريکا کې د کرونا وبا له امله د مړو شويو کسانو کې ۳په ۴ عمر لرونکي کسان و او له ۸۵ کلن زيات کسانو کې څه باندې دوه لکه تنه مړه شول.
په چين کې د هغو کسانو نفوس چې عمرونه يې له ۶۰ کلنۍ پورته دي، ۲۶۴ميليونو ته رسيدلی، چې په عمومي نفوس کې يې ۱۸ اعشاريه ۷ سلنه نيسي. د کرونا وبا اوميکرون بڼه په ډېرې چټکۍ خپرېږي او اوسمهال د چين په شانګهای ښار، جي لين ولايت او ځينو نورو ځايونو کې د کرونا وبا نوې څپه راپورته شوې او د کرونا پيښې د صفر پالیسۍ پر وړاندې يې سرخوږی جوړ کړی دی، خو چين د ډېر عمرلرونکو کسانو او ماشومانو او نورو کمزورو کسانو د ساتلو په پار خپلې پخوانۍ تګلارې ته دوام ورکړی، ښايي دا به ګران ورته تمام شي، خو غواړي، د خپلو خلکو روغتيا وساتي.
