امريکا د کرونا وبا پر وړاندې مبارزه سياسي کوي، ساينس او حقيقت ته درناوی نه کوي، له دې وبا سره د خپلې کمزوري مبارزې مسئوليت پر نورو هېوادونو اچوي او د نورو هېوادونو د مخه نيولو هڅه کوي. خو د کرونا وبا د ريښې د لټون او پیدا کولو سره سم په امريکا کې تازه رامنځته شوي څو پيښې لا نور شکونه زیږولي دي.
۱. د حقيقت له مخې د کرونا وبا د ريښې په اړه ټول شکمن ځايونه بايد تر پلټنې او څارنې لاندې ونیول شي، خو د امريکا د ډيټريک فورټ لابراتوار تل خپله دروازه تړلې او پلټنې ته يې اجازه نه ده ورکړی. د ۲۰۱۹ کال په جولای کې په امريکا کې دوې نه منونکي پېښې رامنځته شوې. د امریکا پوځ ناڅاپه د ډيتريک فورټ لابوراتوار بند کړ او د دې هېواد په څو ايالتونو کې د بريښنايي سيګريټ د څکولو له امله ځيني وګړي د سږو په ناروغۍ اخته شوي وو چې نښې نښانې يې د کوويډـ۱۹ له ناروغۍ سره يو شان وي. نړيوال ګومان کوي چې ښايي په دغه لابوراتوار کې د ويروسونو د خپرېدو پېښه رامنځ ته شوې وي.
تاريخ ته په کتو له چين څخه د جاپان د تيري کوونکو سرتيرو د ۷۳۱ پوځ لخوا د انسانانو پر بدن ميکروب لرونکي ازموينو په اړه دري راپورونه خپاره کړل، چې پر دغه سند باندې( د امريکا د ماريلانډ د ډيټريک فورټ بيالوژيکي لابراتوار) ليک تر سترګو کيږي. د امريکا د ارشيف د معلوماتو له مخې، له ۱۹۴۶ کال څخه تر ۱۹۴۹ کال پورې د انسانانو پر بدن د ميکروب لرونکو ازموينو او وسلو نژدې ۶۰ څېړني د ډيټريک فورټ په بيالوژيکي لابراتوار کې تر سره شوي. امريکا په هغه وخت کې ۷۳۱ جاپاني پوځ ته پيسي ورکړې، چې د دغو ازموينو ارقام تر لاسه کړي. په ۱۹۵۶ کال کې د ډيټريک فورټ بيالوژيکي لابراتوار د امريکا د فدرالي حکومت له خوا د بيالوژيکي څيړنې په ساحه کې د دايمي اډې په توګه ټاکل شوی.
د ۲۰۱۹ کال په جولای او اګست کې د دغه لابراتوار په يوه سند کې څرګنده شوی چې له دغه لابراتوار څخه دوه ځله د ويروس د خپرېدو چاري رامنځته شوې. د امريکا د ناروغۍ د کنټرول او مخنيوي مرکز پريکړه وکړه چې په دغه لابراتوار کې د څيړنې کارونه پای ته ورسوي، خو دغه لابراتوار تر لنډ وخت تړل کیدو وروسته بيا د کټی اخستني لپاره په فعالیت پيل وکړ.
۲. د ۲۰۱ پېښه: د ۲۰۱۹ کال په اکتوبر مياشت کې امريکا د ۲۰۱ پېښې په نامه د نړيوالې ساري ناروغۍ په اړه يو تمرين تر سره کړ او د تمرين د معلوماتو له مخې ويل شوي، چې يو ډول ویروس له حيواناتو څخه پيدا شوی او بزګرانو ته انتقال شوې. دغه ويروس د انسانانو په بدن کې له ۵ ورځو څخه تر۷ ورځو پورې له پټېدو وروسته د ناروغۍ نښه ښکاره کوي چې د سارس په پرتله په اسانه توګه خپرېدلای شي. په دغه تمرين کې ډيزاين شوی چې ځيني ناروغان پر ويروس له اخته کیدو وروسته د انفلونزا نښه لري او ځيني يې د تنفوس سيستم شدیده ناروغي لري او د انسان په بدن کي سږي خپل ښکار ګرځوي، دغه راز دغه ويروس به په ټوله نړۍ کې خپريږي او په بې وزلو سيمو کې به حالت ډېر سخت کړي. د دغه تمرين محتويات داسي دي: په لومړيو څو مياشتو کې د ساري ناروغۍ د پېښو شمېر په هره اونۍ کې يوه چنډه زياتيږي او د ويروس د خپرېدو په لومړي کال کې د دغې ناروغۍ ضد واکسين نه دی جوړ شوی. د تمرين له پايلې څخه څرګنديږي چې دغه ويروس په شپږو مياشتو کې په ټوله نړۍ کې خپرېدلای شي او ټول بهير د کوويډ-۱۹ د خپرېدو ريښتني حالت ته ورته و. د پاملرنې وړ خبره دا ده چي د امريکا د سي ای اې، د دغه هېواد د ناروغۍ د کنټرول د مرکز او د اړوندو تصديو پنځلسو کارپوهانو په دغه تمرين کې ګډون وکړ.
ولی له دغه تمرين وروسته د کوويډ-۱۹ وبا رامنځته شوی؟ د دغه تمرين ټول بهير ول د کوويډ-۱۹ وبا له حالت سره نژدی دی؟ ډېر زيات انټرنيټ کاروونکو په ټولنيزو رسنيو کې خپلې پوښتنې وړاندې کړې، خو تر اوسه يې ځواب نه شته.
۳. د ۲۰۱۹ کال د اکتوبر له ۲۱مې نېټې څخه تر ۲۷مې نېټې پورې د وو هان نظامي سپورټي لوبې تر سره شوې چې امريکا دغو لوبو ته خپل پلاوي رالیږلی وو. خو عجيبه خبره دا ده چې د امريکا د سرتيرو لوبغاړو د سيالې توان ډېر کمزور دی، حتې د توپکو ويشتلو په ترڅ کې يې صفر ته نښې کړې. امريکا چې تل په نظامي چارو کې ځان د لوی هېواد په توګه بولي، څنګه يې دغه کمزوري سرتيري مهمو سپورټي لوبو ته ليږلی؟ وروسته يوه پيښه رامنځته شوه چې په دغو امريکايي سرتيرو کې پنځه تنه غړي په ناڅاپي ډول ناروغۍ شوی چې نښي نښانې يې د کوويډ-۱۹ ناروغۍ ته ورته وي. خو په هغه وخت کې په وو هان ښار کې د کوويډ-۱۹ وبا شتون نه درلود. امريکا بيا د ځانګړې الوتکې له لارې دغه پنځه سرتيري بيرته وطن ته یو وړل. امريکا په ټوله نړۍ کې تر ټولو پرمختللي بيالوژيکي تېکنالوژۍ لري او له پخوا څخه يې د بيالوژيکي جګړې د تر سره کولو جنايت درلود. د وو هان له نظامي سپورټي لوبو وروسته د کوويډ-۱۹ وبا د دسمبر په څلورمه نېټه پيدا شوه، خو په وو هان ښار کې د کوويډ-۱۹ لومړۍ ناروغ د وو هان ښار ناروغ نه دی.
د وو هان په نظامي سپورټي لوبو کې د امريکا د سرتيرو لوبغاړو شمېر څه دپاسه ۳۰۰ تنو ته رسيدلی. خو دوی په وو هان ښار کې د سياليو مخکې تمرينونه تر سره نه کړل او سياليو ته يې پاملرنه نه وکړل، خو هره ورځ يې په دغه ښار کې تګ راتګ کاوه. دغه پلاوي په دغو لوبو کې د مډالونو په لېست کې ۳۵ م مقام نيولی او هيڅ يو طلايي مډال يې نه دی تر لاسه کړی. دا له حقيقت سره بيخي سمون نه درلود. خو کله چې دوی له وو هان ښار څخه ووتل، په وو هان ښار کې د کوويډ-۱۹ وبا رامنځته شوه. د دغو پيښو تر منځ اړيکې څنګه دی؟ امریکا بايد په هغو امریکايي پوځيانو کې د ناروغانو اړوند معلومات خپاره کړي!
