د چين د کمونېست ګوند د ګوندي ابادۍ ملي غونډه د جون په پنځلسمې نېټې په پلازمېنې بېجينګ کې ترسره شوه.
د چين د کمونېست ګوند له ۱۸م ملي کانګرېس راهیسې، د شي جین پینګ په لارښوونې د ګوند مرکزي کمېټې د هغو لویو معاصرو مسئلو په اړه یو لړ نوې مفکورې، نوي نظرونه او نوې ستراتیژۍ وړاندې کړي، چې پکې د اوږدمهالې حکومتولۍ لپاره د کوم ډول مارکسیستي ګوند د ابادۍ او د دغسې ګوند د ابادۍ د څرنګوالي په اړه پوښتنو ته ځوابونه ویل شوي دي.
د شي جین پینګ د ګوندي ابادۍ فکر په نوې زمانې کې د چين د ځانګړتيا لرونکي سوسیالیزم په اړه د نوموړي د مفکورو یوه مهمه برخه ده، چې د ګوندي ابادۍ په اړه مارکسیستي تیوریو ته پکې مهمه او نوښتي وده ورکړل شوې او د ګوند او هېواد د پرمختګ لپاره ستر عملي او اوږدمهاله اهمیت لري.
په غونډې کې دا په ډاګه شوې، چې د ګوندي ابادۍ په اړه د شي جین پینګ فکر د نوې زمانې د ګوندي ابادۍ په چارو کې د بنسټیز لارښود رول لوبوي.
