د چين د کمونېست ګوند د مرکزي کمېټې عمومي منشي، دولت رئيس او د مرکزي پوځي کمېټې رئیس شي جين پینګ په وروستيو کې د هېواد د ختيځو او لوېديځو سيمو د همکاريو د تنظيم په اړه مهمې لارښوونې کړې دي.
نوموړي ويلي، د يادو همکاريو د پیل له دېرشو کلونو راهيسې دغه همکاريز ميکانيزم د بېوزلۍ د له منځه وړلو او د سيمه ييزې همغږۍ د پرمخبيولو په برخو کې مهم رول لوبولی، چې د ګوند د سياسي غوره والي او د سوسياليستي نظام د غوره والي ښکارندويي کوي.
رئيس شي جين پینګ په ټينګار ويلي، چې د بېلا بېلو سیمو ګوندي کمېټې او حکومتونه باید د همکاريو د تنظیم مسؤليت پر غاړه واخلي، د بېوزلۍ کرښې ته د خلکو د بېرته ستنېدو مخه باید ونيسي او په کليوالو سيمو کې د هراړخيزې سمسورتيا د پرمخبېولو، د سيمه يیز پرمختګ او همغږۍ د لا پياوړتيا لپاره باید ګډې هڅې وکړي او د ګډ شتمنېدو پر لوري د ټولو وګړو د روانېدو لپاره باید ټينګ ګامونه پورته کړي.
