په ملګرو ملتونو کې د چین د دایمي استازي مرستیال سون لې د جون په ۱۹مه نېټه د دې سازمان د اقتصادي او ټولنيزې شورا د ۲۰۲۶ کال د بشردوستانه چارو کنفرانس په غونډه کې وينا وکړه او له نړيوالې ټولنې يې وغوښتل چې متحد شي او لا غښتلي بشردوستانه اقدامات ترسره کړي.
سون لې وویل، چې اوسمهال نړيوال بشردوستانه وضعيت خورا جدي دی. وسله والې شخړې د ګڼ شمېر خلکو د مرګ ژوبلې او بېځايه کېدو سبب شوې دي او د اقليمي بدلون او طبيعي پېښو له امله د زيانمنو خلکو د ژوند ستونزې لا پسې سختې شوې دي. هغه له نړیوالې ټولنې غوښتنه وکړه چې بېړني او اغېزناک اقدامات دې وکړي.
هغه وویل، د بشردوستانه مرستو مالي سرچينې لا هم ناکافي دي. چين له مرستندويه هېوادونو غواړي چې خپلې مالي ژمنې عملي کړي او د مرستو کچه لوړه کړي. نوموړي وويل، نړيواله ټولنه بايد د مرستو د ترلاسه کوونکو هېوادونو اړتياوې په پام کې ونيسي او د هغو هېوادونو د پرمختګ وړتياوو د پیاوړتیا لپاره جدي کار وکړي.
