د نړيوالو شرکتونو ۷مه سرمشريزه د جون له ۱۵مې نېټې څخه تر ۱۷مې نېټې پورې د چين په چينګداو ښار کې تر سره شوه. د بهرنيو شرکتونو څه باندې ۳۰۰ مېلمنو په دې سرمشريزه کې د چين د ۱۵م پنځه کلن پلان په رڼا کې د فرصتونو د نيولو تر عنوان لاندې بحثونه وکړل او په خبرو کې یې ((د نوښت همکاري)) ډېره ياده شوه.
((د نوښت همکاري)) د نړيوالو شرکتونو او د چين د بازار ترمنځ د اړيکو د ژور بدلون څرګندونه کوي.
په چين کې د امريکا د هيربالايف (HERBALIFE) شرکت د عامو چارو مسئولې يانګ لان رسنيو ته ويلي، چې شرکت يې چين ته د ننوتنې په پيل کې د کاروبار په پراختيا بوخت و او د چيني بازار د پرمختګ لوی توان يې ليدلی او بيا يې د چين د صنايعو د پوخوالي او بشپړوالي بهير لیدلی دی. نوموړي زياته کړې، د هغې د شرکت هغه توليدات، چې په چين کې انکشاف او توليد شوي، د جنوب ختيځ او نورو سيمو بازارونو ته صادر شوي دي. نوموړی شرکت د چيني بازار په اړه خوشبينه رويه لري او چين ته د نړيوال نوښت سرچينې په سترګه ګوري.
