د چین د انرژۍ ملي ادارې د جون په ۲۵مې نېټې خبر ورکړی، چې په هېواد کې يې د برېښنا د نصب شويو تجهيزاتو توليدي ظرفیت له ۴ ميلیارډو کیلو واټو څخه زیات شوی دی.
د چين د برېښنا تولیدي ظرفیت د انرژۍ د پرمختګ نوی نړیوال ریکارډ جوړ کړی او د انرژۍ په برخه کې يې د یو پياوړي هېواد مقام پورته کړی او د چیني شکله عصري کېدو پرمختګ ته يې زرغون حیاتي ځواک برابر کړی دی.
په تېرو څو لسیزو کې د چین د برېښنا چارو ستر پرمختګ موندلی او د غیر فوسیل انرژۍ برېښنايي ظرفیت يې ډېر پورته تللی دی.
تر ۲۰۲۵ کال پورې، په چین کې د بيا کارېدونکې انرژۍ له لارې د برېښنا توليدي اندازه ۳ اعشاریه ۹۹ ټریلیونو کیلو واټو ساعتونو ته رسېدلې وه، چې دا د ټولې برېښنا تولید ۳۸ سلنه جوړوي.
