د چين د دولتي شورا مطبوعاتي دفتر د جولای په ۱۴ مې نېټې خبر ورکړی، د روان کال په لومړۍ نيمايي کې د دغه هېواد د کورنيو برقي سامان الاتو صادرات ۳۶۰ ميليارډه او ۹۶۰ ميليونه يوانه ښودل شوي، چې پکې د ايرکنډیشنونو، برقي فینونو او يخچالونو د صادراتو عمومي ارزښت ۱۰۷ ميليارډه او ۹۱۰ ميليونه يوانو ته رسېدلی دی.
په همدې مودې کې د چين صادر شوي کورني برقي سامان الات نه يوازې په کیفي لحاظ لوړ شوي، بلکې برانډونه يې هم نوي شوي دي.
د روان کال په لومړۍ نیمايي کې د چين په ټولو صادر شوو کورنيو برقي سامان الاتو کې ۴/۱ برخه چیني برانډونه دي او په صادراتو کې يې ٪ ۲۱.۲ زیاتوالی راغلی دی.
