د چين د کمونېست ګوند د مرکزي کمېټې د سیاسي بيورو غړي او بهرنيو چارو وزير وانګ يي د جولای په ديارلسمې نېټې په پلازمېنې بېجينګ کې د قزاقستان له خارجه وزیر کوشیر بایف سره لیدلي او د دواړو هېوادونو پر اړيکو غږېدلي دي.
وانګ يي له قزاقي سیال سره په خبرو کې ويلي، چې د رئیس شي جين پینګ او د ولسمشر توکايف د ستراتيژيکې لارښوونې په رڼا کې د چين او قزاقستان اړيکو انعطاف پذيري او حياتي ځواک ښکاره کړی دی.
نوموړي ويلي، ولسمشر توکايف به د ۲۰۲۶م کال د مصنوعي ځيرکتیا په نړيوال کنفرانس او د مصنوعي ځيرکتيا د نړيوال مديريت په لوړ پوړې غونډې کې ګډون وکړي، له رئيس شي جين پينګ سره به ستراتيژيکې تبادلې وکړي او د دوه اړخیزو اړيکو پرمختګ ته به حياتي ځواک برابر کړي.
چین د منځګړيتوب په نړيوالې محکمې کې د قزاقستان د ګډون هرکلی کوي او د نړيوال عدالت د ساتلو په برخه کې به ورسره ګډې هڅې وکړي.
د قزاقستان بهرنيو چارو وزير کوشیر بایف د چين د کمونېست ګوند د جوړېدو د ۱۰۵مې کاليزې په پار وانګ يي ته مبارکي ويلي او باور يې ښودلی، چې چين به د رئیس شي جين پینګ په مشرۍ د باکيفيته پرمختګ موخې ته رسېږي.
