د امريکا د پیو څېړنیز مرکز د يوې سروې پایله ښیي، په نړۍ کې د هغو خلکو فیصدي، چې د چين په اړه مثبت نظر لري، د امريکا په پرتله لوړه شوې او حتی د امریکا د متحدینو په منځ کې هم د چين او امريکا په اړه نظرونه بدل شوي دي.
بلومبرګ په يوه راپور کې ويلي، په نړۍ کې د امریکا انځور په خرابېدو دی او په سږنۍ سروې کې، چې د نړۍ په ۳۶ هېوادونو کې ترسره شوې، د چین د محبوبیت کچه د امريکا په پرتله لوړه شوې ده.
په دغو۳۶ هېوادونو کې د امریکا متحدین، لکه کاناډا، استرالیا، فرانسه او جرمني هم شامل دي.
د سروې پایله ښيي، د امريکا نړيوال باور د ولسمشر جو بایډن له حکومت راهيسې، په دوامدار ډول کمېږي.
