د بشري حقونو خپلواک کمیسیون: ټول له وېرې او وحشت ستړي دي، بېړنی اوربند دې وشي

د افغانستان د بشري حقونو خپلواک کمیسیون د جګړې پر ښکېلو لورو د بېړني اوربند غږ کړی دی. د دغه کمیسیون مشرې شهرزاد اکبر په تازه څرګندونو کې ویلي چې په هېواد کې بې وزلي او نا امني ډېره شوې ده او ډېری حقوقي او مدني فعالین او خبریالان له هېواد په تېښته دي. د نوموړې په خبره طالبانو او حکومت ته په کار ده چې ژر تر ژره اوربند وکړي او په دې توګه دې په هېواد کې د وېرې او وحشت خپره شوې تیاره لرې کړي. د نوموړې په خبره تر ډېره هغه څېرې په هېواد کې له ګواښونو سره مخ دي، چې د عدالت، جګړې ضد، سولې او امنیت لپاره یې مبارزه کړې ده. شهرزاد اکبر هیله ښودلې چې ژر تر ژره دواړه لوري د پیاوړي او سوله ییز افغانستان د جوړولو لپاره اوربند وکړي.