د ملالې فنډ خیریه بنسټ پر نړۍ غږ کړي چې د نجونو ښوونځیو د پرانیستو په هدف د ا.ا په چارواکو ډيپلوماټیک فشارونه راوړل شي. په هېواد کې د نجونو ښوونځیو د تړل کېدو د ۳۰۰ ورځو د بشپړېدو په تړاو د ملالې فنډ خیریه بنسټ اندېښنه ښودلې او د نجونو پر مخ يې د ښوونځیو پر پرانیستو ټینګار کړی دی. دغه بنسټ ویلي، په سپټمبر میاشت کې د ملګرو ملتونو د عمومې ناستې څخه وړاندې د نړۍ له مشرانو غواړي چې د نجونو ښوونځیو د پرانیستو په هدف د ا.ا په چارواکو فشارونه راوړي، د افغانستان ښوونیز نظام څخه مالي ملاتړ وکړي او د خپلو حقونو د تر لاسه کولو په برخه کې د افغان ښځو ملاتړ ته راودانګي. په دغه لیک کې ټینګارشوی ، ددې لپاره چې دغه کار وشي نن باید د افغان نجونو د راتلونکي لپاره زړور او سمدستي اقدامات ترسره کړئ. د یادونې وړ ده چې تیر کال په افغانستان کې د نظام تر ړنګیدو وروسته نوي سرپرست حکومت د نجونو پر متوسطه او ثانوي زده کړو بندیز ولګاوه.
نړیوالو ته پرانیستی لیک: د نجونو ښوونځیو پرانیستلو لپاره اقدام وکړئ
Get real time update about this post categories directly on your device, subscribe now.
- Trending
- Comments
- Latest
