د اګست په ۳۰مې نېټې د چين د شي ځانګ کورواکې سيمې په جيلونګ ولسوالۍ کې د نيپال د اګست ۲۶مې نېټې د ځمکې ښويېدنې په اړه مطبوعاتي غونډه تر سره شوه.
د اګست د ۲۶مې نېټې په سهار د نيپال په سرحدي سيمه کې د ځمکې ښویېدنې پېښه شوې، چې له امله يې د چین د شي ځانګ کورواکې سيمې د ژيکاځه ښار د جيلونګ ولسوالۍ په جيلونګ ځمکني بندر کې ډېرو وګړو ته مرګ ژوبله اوښتې او ځينې يې تر خاورو لاندې شوي دي. د اګست د ۲۹مې نېټې د ماسپښين تر ۶ بجو پورې د دې پېښې له امله ۱۶ تنو ژوند له لاسه ورکړی او ۵۴۶ تنه نور ورک دي.
په دغه مطبوعاتي غونډه کې معلومات راغلي، چې د ژغورونکو چارو او نورو اړوندو چارو د ملاتړ لپاره د چين د ماليې وزارت او د بېړنيو پېښو سره د مبارزې ادارې ۱۲۰ ميليونه يوانه او د دغه هېواد د پرمختګ او اصلاحاتو ملي ادارې ۱۰۰ ميليونه يوانه پېسې ترتيب کړي دي. د چين د ولسي ازادۍ بښوونکي پوځ، پوليسو، د اور وژنې او ژغورنې ډلې، د سرحدي دفاع او عامه امنيت ځواکونو په شمول د بېلا بېلو قوتونو ۲۱۴۱ تنه په ژغورلو کې برخه لري او ۲۶۹ ژغورونکي موټرونه او ۳۹۲۲ تجهيزات خدمت کوي. ژغورونکې ډلې په جلا جلا توګه پر ځمکنيو، اوبو او هوايي لارو د ناورين ځپلې مرکزي ساحې ته روانې دي.
