ټي آر ټي: امریکا دې په جنګي جنایتونو تورن سرتېري نه بښي

ترکي ټي آر ټي رسنۍ په یوه مطلب کې د ټرمپ هغه اقدام غندلی چې له مخې یې په جنګي جنایتونو تورن سرتېري بښل کېږي. په مطلب کې راځي ټرمپ ته نه ده په کار چې په جنګي جنایتونو تورن سرتېري وبښي، ځکه په تېره اتلس کلنه جګړه کې ګڼو امریکایي سرتېرو په افغانستان او عراق کې ستر جنګي جنایتونه ترسره کړي دي. د سرچینې په خبره دا د امریکایي ولسمشر حق نه دی چې په بشري او جنګي جنایتونو تورن سرتېري وبښي. سرچینه کاږي چې د امریکایي ځواکونو د جنګي جنایتونو په اړه ۱،۱۷ میلیونه قضیې ثبت شوې دي او دا هره یوه باید وڅېړل شي او مجرم امریکايي سرتېري دې خپله سزا وویني. د امریکایي رسنیو د راپورونو له مخې ټرمپ په تازه اقدام کې پرېکړه کړې چې افغانستان کې په جنګي جنایتونو تورنو سرتېرو ته بښنه وکړي.