له تازه بارانونو سره د هېواد په ځینو سیمو کې سیلابونه راوتلي دي. د هرات ولایت چارواکي بیا وايي چې د تېرې ورځې او ماښام په بارانونو کې لس کسه وژل شوي دي. د هرات ولایت د عامې روغتیا ریاست وایي، چې پرون د هرات په اوبه ولسوالۍ کې د سختو ورښتونو له امله سیلابونه راوتلي او لس کسه یې وژلي دي. د رییس په خبره دغه کسان د ده ګل او جینوا په کلیو کې وژل شوي. د عامې روغتیا رییس عبدالحکیم تمنا دا هم ویلي چې ښایي د تلفاتو شمېر ډېر شي. هرات یو له هغو ولایتونو دی چې د روان کال بارانونو او سیلابونو سخت زیانمن کړی دی. په بېلو پېښو کې لسګونه کسانو ته مرګ ژوبله اوښتې او زرګونه کورونه په دغه ولایت کې ويجاړ شوي دي.
په هرات کې سېلابونو لس کسه وژلي دي
Get real time update about this post categories directly on your device, subscribe now.
- Trending
- Comments
- Latest
