د کندهار په ډنډ ولسوالۍ کې د یوې چاودنې له امله د ناټو پنځه رومانیایي سرتیري ټپیان شوي دي. د رومانیا دفاع وزارت ویلي، چې دا سرتیري یې پرون تر غرمې وروسته د کندهار په ډنډ ولسوالۍ کې د ګزمې پر مهال د چاودنې له امله ټپیان شوي دي. سرچینې زیاته کړې، چې ټپي سرتیري د کندهار هوایي ډګر روغتون ته لیږدول شوي ، خو د هغوی د روغتیایي حالت په اړه یې څه نه دي ویلي. رومانیا د ناټو د روزنې ماموریت په چوکاټ کې درې زره سره سرتیري لري، چې ډیری يې په کندهار کې میشت دي. وسله والو طالبانو ددې برید مسوولیت اخیستی دی، دوی ویلي چې د رومانیایي سرتیرو پر یوه نظامي موټر یې چاودنه کړې او پکې سپاره سرتیري یې وژلي دي.
کندهار کې پر رومانیایي سرتېرو چاودنه شوې
Get real time update about this post categories directly on your device, subscribe now.
- Trending
- Comments
- Latest
