د شمالي وزیرستان په خړ کمر سیمه کې د پاکستان پوځ له لوري د پښتون ژغورنې غورځنګ باندې برید کې د درېیو کسانو تر وژل کېدو وروسته اوس پاکستانی پوځ وايي، سیمه کې پنځه نور مړي موندل شوي دي. تر اوسه جوته نه ده چې دغه کسان د تېرې ورځې نښته کې وژل شوي او که نه. د پوځ په خپره شوې اعلامیه کې ویل شوي چې د پوځ د ګزمې پرمهال په یوه ویاله کې غورځېدلي پنځه جسدونه موندل شوي چې په ډزو ویشتل شوي دي. دغه مړي د خړ کمر سیمه کې د پوځي پوستې په یو نیم کیلومترۍ کې موندل شوي چې د تېرې ورځې پېښه همدلته شوې. پوځ ویلي د وژل شویو د پېژندلو لپاره څېړنې روانې دي. پرون پاکستاني پوځ د پښتونژغورنې غورځنګ پر یوه لاریون برید وکړ. په پېښه کې څلوېښتو کسانو ته مرګ ژوبله اوښتې ده. دې مسئلې په سیمه او نړۍ کې د پاکستاني حکومت پر ضد غبرګونونه پارولي دي.
د پښتون ژغورنې غورځنګ د ۵ نورو غړو جسدونه موندل شوي
Get real time update about this post categories directly on your device, subscribe now.
- Trending
- Comments
- Latest
