د امریکا متحده ایالاتو د کانګرس ډېری غړي له طالبانو سره په خبرو اترو کې د افغان مېرمنو د لاسته راوړنو د خوندیتوب غوښتونکي دي. هغوی د امریکا د بهرنیو چارو وزارت ته د یوه لیک په استولو سره وايي، چې اړتیا ده څو د ښځو غږ نه یوازې د ۱۸ کلونو د لاسته راوړنو د خوندیتوب لپاره ، بلکې د هېواد د راتلونکې لپاره هم واورېدل شي. په دغه لیک کې د امریکا د بهرنیو چارو له وزیر څخه غوښتل شوي څو له طالبانو سره د سولې خبرو اترو په بهیر کې د افغان مېرمنو له دریځه ساتنه وکړي. د امریکا د بهرنیو چارو وزارت ته د دغه هېواد د کانګرس د غړو په لیک کې چې یوه کاپي یې زلمي خلیلزاد ته هم لېږل شوې راغلي، په دوحه کې د فبرورۍ او مې په میاشتو کې د امریکا او طالب استازو ترمنځ د خبرو پرمهال د افغان مېرمنو استازیتوب ونه شو، اړتیا ده چې د افغان مېرمنو غږ نه یوازې د ښځو د حقونو لپاره بلکې د دوی د راتلونکي په هکله واورېدل شي.
د کانګرس غړي: سولې خبرو کې بايد تيرې لاسته راوړنې خوندي شي
Get real time update about this post categories directly on your device, subscribe now.
- Trending
- Comments
- Latest
