د دايکنډي ولايت په خدير ولسوالۍ کې د ترافيکي پېښې له امله د يوه ماشوم او څلور ښځو په ګډون ١٤کسان ټپيان شوي دي. د دايکنډي روغتون مسوول سخي صفري وایي، چې دغه پېښه تېره ورځ ماښام مهال رامنځته شوې ده. سرچينې وويل، پېښه هغه مهال رامنځته شوه چې يو فلانکوچ موټر د سنګتخت و بندر ولسوالۍ له لوري د خدير پر خوا راوان و چې د خدير ولسوالۍ د خشکاب په کوتل کې له سړک څخه وتلی او ټوله سپرلي يې ټپيان شوي دي. د معلوماتو پر اساس، د يوه ماشوم او څلورو ښځو په ګډون ١٤کسان پکې ټپيان شوي، د دوو تنو روغتيايي حالت نازک دى او ټول ټپيان روغتون ته انتقال شوي دي. د يادونې ده چې ياد سړک خام دى او په ځينو سيمو کې پرې تګ راتګ سخت دى.
په یوه ترافیکي پېښه کې ۱۴ کسان ټپیان شوي دي
Get real time update about this post categories directly on your device, subscribe now.
- Trending
- Comments
- Latest
