د فراه سیمه ییز چارواکي وایي چې د یاد ولایت په خاک سفید ولسوالۍ کې یو کس ۱۱ تنه د ټوپک په ډزو وژلي دي. د فراه د خاک سفېد ولسوال حاجي جمعه ویلي، قاتل چې ملا علي نومېږي د دې ولسوالۍ د رنګین اباد کلي اوسېدونکی دی. د ولسوال په خبره ملا علي تېره ورځ لومړی د خپلې کورنۍ اته غړي د کلاشینکوف په ډزو وژلي او بیا د ګاونډي کور ته دننه شوی، د ګاونډي د کور درې غړي یې هم وژلي او شپږ نور یې ټپیان کړي دي. د جمعه په خبره تر اوسه د دې پېښې لامل په ډاګه شوی نه دی. د سیمې اوسېدونکي وایي چې پر یاده سیمه دولت واک نه لري خو ملا علي طالبانو نیولی دی. طالبان هم د ملا علي د نیول کېدو پخلی کوي او وایي، دا قضیه يې خپلې اړوند محکمې ته راجع کړې ده.
