پوتین: له امریکا سره د افغان مسئلې سوله ییز حل کې مرسته کوو

د روسیې ولسمشر ولادیمیر پوتین وایي، روسیه له نورو هېوادونو په تېره بیا امریکا سره یو ځای د افغان مسئلې په سوله ییز حل کې مرستې ته چمتو ده. د ټاس خبري اژانس د خبر له مخې، نوموړي د میر په نامه له یوې روسۍ ورځپاڼې سره په خبرو کې ویلي، په دوشنبې کې د اسیا په اړه د نړیوالې ناستې پایلو ته هیلې شته چې په خبره یې وبه کولی شي د سیمه ییزو هېوادونو ترمنځ د اعتماد فضا رامنځته کړي. هغه دغه راز په افغانستان کې د داعش ډلې فعالیتونه خپل هېواد ته ګواښ بللي او زیاته کړې یې ده چې د افغانستان سرحدونو ته څېرمه د داعش ډلې شاوخوا پنځه زره جنګیالي ځای پر ځای شوي دي او د سیمې هېوادونه په تېره بیا د روسیې متحدین باید هوښیار اوسي. نوموړي ویلي، د افغان سولې برخه کې د وروستیو پرمختګونو هرکلی کوي او هیله لري چې په دې برخه کې روانې هڅې به مثبتې پایلې ولري. پوتین زیاته کړې واضحه ده چې دوی په قطعي شکل د شمالي کوریا او ایران د اټومي فعالیتونو په اړه هم اندېښمن دي.