د چاپيريال ساتنې اداره: ککړه هوا هرکال د پنځه زره افغانانو ژوند اخلي

د چاپریال ساتنې اداره وايي، تازه یې ځينې پروګرامونه پیل کړي، چې د ککړې هوا مخنیوی وکړي. د معلوماتو له مخې، ککړه هوا هر کال په افغانستان کې شاوخوا پنځه زره کسان په تدریجي توګه وژني. د چاپیریال ساتنې اداره وایي، د هوا د کیفیت مدیریت کې دې ټولې اړوندې ادارې لاس په کار شي او له دې وروسته دې ټول سوداګریز، اقتصادي، ترانسپورتي او ټولنیز فعالیتونه له یادې ادارې سره په همغږۍ وشي. دا اداره وايي، د هوا د کیفیت څارنې سیستم او د مسلکي او بشري ظرفیتونو نشتون د چاپیریال ساتنې اداره له ستونزو سره مخ کړې ده. افغانستان ته پر واردېدونکو د سون توکو، نقلیه وسایطو، اقتصادي، سوداګریز او ټولنیزو فعالیتونو هم نیوکه ده چې د چاپیریال ساتنې په تړاو بې غوره دي. چاپیریال ساتنې اداره اوس لاس په کار شوې چې څنګه کولی شي د ککړې هوا مخنیوی وکړي.