وکیلان: نن د باطلې رايي سرنوشت معلوموو

د ولسي جرګې د ریاست لانجې د حل لپاره وکیلان توافق ته رسېدلي، چې نن د سې شنبې په ورځ به دغه مسئله نهايي کوي. د ولسي جرګې یوشمېر غړي وایي، د جرګې د ریاست ټاکنو پرمهال باید د یوې باطلې رایې سرنوشت معلوم شي. دوی وایي، که یوه رایه د ولسي جرګې له لوري تایید شي میر رحمان به د ولسي جرګې رییس شي او که یاده رایه رد شي بیا به د دوو کسانو ترمنځ ټاکنې کېږي. وکیلان وایي، چې نن ورځ به دغه مسئله نوره نهايي کړي. ځیني وکیلان بیا وايي، چې د میرحمان رحماني پلویان د یوې رایې پرسر د رایي اچونې بهیر علني غواړي، او تالار د سري رایې غوښتنه کوي چې دغه چاره ممکن بیا ستونزه پیدا کړي. د ولسي جرګې د ریاست پرسر له راپورته شوې لانجې له یوې میاشتې زیات وخت تېریږي خو لا هم دغه موضوع د وکیلانو ترمنځ نه ده حل شوې.