د ناټو د دفاع وزيران او متحدين يې په روانه اوونۍ کې د نورو موضوعاتو ترڅنګ د افغانستان په اړه هم خبرې کوي. د بلجيم په پلازمېنه بروکسل کې د ناټو سازمان د مطبوعاتي دفتر يوه چارواکي ويلي چې افغانستان به ددغې غونډې د اجنډا مهمه برخه وي. هغه زياته کړې، د راتلونکې پنجشنبې په ورځ ناټو او د متحدينو دفاع وزيران يې په بروکسل کې د افغانستان په اړه ځانګړې ناسته کوي. سرچينې وايي، په دغې ناسته کې به د افغانستان د دفاع وزير اسدالله خالد، په کابل کې د ناټو ملکي استازى نېکولاس کى او د ناټو قوماندان جنرال سکاټ مېلر هم برخه ولري. د ناټو مطبوعاتي دفتر وايي چې د ناستې ګډونوال به د افغان سولې په تړاو د امريکا د ځانګړي استازي د وروستيو هڅو په اړه خپل ملاتړ څرګند کړي. دغه راز به دوى د افغان ملي دفاعي امنيتي ځواکونو ددوامداره ملاتړ ژمنه هم تازه کړي.
ناټو د افغان ځواکونو د ملاتړ ژمنه تازه کوي
Get real time update about this post categories directly on your device, subscribe now.
- Trending
- Comments
- Latest
