د افغانستان پر ټاکنو د څار بنسټونه وایي، د راتلونکو ټاکنو د شفافیت لپاره هیڅ مېکانیزم وجود نه لري او دغه راز د ټاکنو کمیسیون چمتوالی قناعت بښوونکی نه دی. یاد بنسټونه دا خبرې په داسې حال کې کوي چې د ټاکنو خپلواک کمیسیون وایي، بودجه ورته رسېدلې ده او نور په دې برخه کې کوم جدي خنډ نشته دی. د ټاکنو څارونکو بنسټونو نن یوې خبري غونډې ته په خبرو کې وویل، د ټاکنو د خپلواک کمیسیون د ټاکنو د شفافیت، د نوم ثبتولو د پاڼو د اصلي او جعلي تذکرو د بېلولو او د رایه ورکوونکو د بشپړ نوملړ د تیارولو لپاره هیڅ مېکانېزم نه لري. د ټیفا مشر نعیم ایوب زاده وایي، د ټاکنو کمیسیون تر اوسه نه دی توانېدلی چې د رایه ورکوونکو رښتینی نوملړ جوړ کړي په داسې حال کې چې د ټاکنو تر سره کېدو ته ډېرې کمې ورځې پاتې دي.
د ټاکنو څارونکي بنسټونه: د ټاکنو شفافیت لپاره هیڅ مېکانیزم وجود نه لري
Get real time update about this post categories directly on your device, subscribe now.
- Trending
- Comments
- Latest
