ولسمشر غني د افغان سولې په اړه د سعودي عربستان له ولیعهد محمد بن سلمان سره خبرې کړې دي. د ارګ له مطبوعاتي دفتره په خپره شوې خبرپاڼه کې راغلي چې ولسمشر غني او محمد بن سلمان په سیمه کې پر روان وضعیت، د ترهګرۍ ضد مبارزې او نورو امنیتي مسایلو خبرې کړې دي. محمد بن سلمان په دې تلیفوني مکالمه کې ژمنه کړې چې د افغان سولې په پروسه کې به خپلې همکارۍ نه سپموي. ولسمشر غني بیا ویلي چې د سعودي بازارونو ته به د افغان توکو صادرات ډېر کړي او د سعودي حکومت په دې برخه کې د اسانتیا رامنځ ته کولو ژمنه کړې ده. ولسمشر غني په سیمه ییز اتصال کې د سعودي عربستان رول هم مهم بللی دی.
ولسمشر غني له محمد بن سلمان سره تلیفوني خبرې کړي دي
Get real time update about this post categories directly on your device, subscribe now.
- Trending
- Comments
- Latest
