د افغانستان او پاکستان لپاره د جرمني ځانګړی استازی مارکس پوتزل وایی، د سولې په برخه کې د هند رول حیاتي ارزښت لري. پوتزل چې اوس مهال په نوي ډهلي کې دی ویلي، چې جرمني او نړیواله ټولنه په دې باور ده چې هند د افغان سولې په برخه کې پیاوړی رول لوبولای شي. نوموړی وایي، د افغان سولې په پروسه کې د سیمې ټول هغه هیوادونه چې په دې پروسه کې ښکېل بلل کیږي بايد له پامه ونه غورځول شي. د افغانستان لپاره د المان ځانګړي استازي د ټاکنو په ترسره کېدو هم ټینګار کړی، خو وایي د سولې او ټاکنو پروسې باید په ښه ډول مدیریت شي. نوموړی وایي، سولې ته د رسېدو لپاره باید داسې میکانیزم رامنځ ته شي، چې اساسي قانون ته پکې درناوی شوی وي او ترهګرو ډلو ته د فعالیت فرصت په لاس ورنه کړي.
مارکس پوتزل: د افغان سولې په برخه کې د هند رول مهم دی
Get real time update about this post categories directly on your device, subscribe now.
- Trending
- Comments
- Latest
