د امریکا ولسمشر ډونالډ ټرمپ به نن په سپینه ماڼۍ کې د پاکستان له صدراعظم عمران خان سره د افغانستان او سیمې د سولې او ثبات او نورو مهمو دوه اړخیزو مسایلو په اړه بحث وکړي. افغان حکومت وایي، چې له امریکا تمه لري، څو پر پاکستان اړین فشارونه راولي چې د افغانستان د سولې او ثبات لپاره په خپلو سیاستونو کې بدلون راولي. د ولسمشر ویاند صدیق صدیقي وایي، هیله لري چې امریکایان د پاکستان د پالیسیو د بدلون لپاره اړین فشارونه وارد کړي، له طالبانو دې له ملاتړه لاس په سر شي او بلآخره د پاکستان په خاوره کې د طالبانو د پټنځایونه د له منځه وړلو لپاره عملي ګامونه پورته کړي. د افغانستان حکومت تل انتقاد کړی لکه څنګه چې لازمه ده پاکستان د افغان سولې لپاره همکاري نهکوي.عمران خان د پاکستان د صدراعظم په توګه لومړی وار دی چې امریکا ته یې سفر کړی او هغه هم داسې یو وخت چې هېواد یې له سختو اقتصادي ستونزو سره مخ دی.
