د غزني چارواکي وايي، د دې ولايت په مرکز کې د وسله والو کسانو له خوا يو قومي مشر ووژل شو او د ملي راډيو تلوېزيون کامره مين ټپي شو. د غزني د والي وياند محمدعارف نوري، وويل چې دغه پېښه د غزني ښار د لومړۍ حوزې له برېښنا رياست سره نن ماسپښين شوې ده. ده زياته کړه، وسله والو کسانو د بې غږه تومانچې په وسيله قومي مشر معلم رازق وژلى او ورسره ناست د غزني د ملي راډيو تلوېزيون کامره مين احمدشاه احمدي ټپي شوى دى. د هغه په وينا، تر پېښې وروسته وسله وال تښتېدلي دي. په دې وروستيو کې په غزني ښار کې ورته پېښې زيات شوي چې خلک يې اندېښمن کړي دي.
غزني کې یو قومي مشر وژل شوی
Get real time update about this post categories directly on your device, subscribe now.
- Trending
- Comments
- Latest
