فارن پالیسي: پاکستان لا هم دوه مخیتوب او په امریکا لوبې کوي

پاکستان په امریکا لوبې کوي. فارن پالیسي نشریې د ټرمپ او عمران خان پر وروستۍ لیدنه له امریکایي شنونکو او ديپلوماتانو سره خبرې کړې دي. سرچینه کاږي پاکستان د دوه مخیتوب اوږده مخینه لري او دا ځل به هم له ټرمپ سره کړې ژمنې پوره نه کړي. په افغانستان کې د امریکا پخواني سفیر راین کراکر فارن پالیسۍ ته ویلي، پاکستان به بیا هم له امریکا سره دوه مخی چلند وکړي، طالبان به تر هغه سولې ته وهڅوي، چې د امریکايي ځواکونو وتل چټک شي خو په حقیقت کې به ای ایس ای لا هم د طالبانو ستر ملاتړی وي. شنونکو دغه نشریې ته ویلي امریکا ته په کار نه ده، چې د پاکستان په دوه مخیتوب ځان تېر باسي، بلکې ددغه هېواد پر وړاندې اړینو اقداماتو ته اړتیا ده. دوی پاکستان لا هم په سیمه کې د افراطیت، ترهګرۍ، طالبانو او نورو ترهګرو ډلو ستر ملاتړی بللی دی.