پاکستاني رسنۍ:  عمران خان به د سولې په تړاو ډېر ژر افغانستان ته سفر وکړي

د پاکستاني رسنیو د راپورونو له مخې ټاکل شوې چې د افغان سولې په تړاو به ډېر ژر عمران خان افغانستان ته راشي او له ولسمشر غني سره به لیده کاته ولري. دی به د افغان سولې او په دې برخه کې پر روانو پرمختګونو خبرې کوي. دې نشن وایي، عمران خان وروسته له دې افغانستان ته سفر کوي چې له امریکا سره یې د پاکستان کشمکشونه کم کړي دي. عمران خان په امریکا کې له ډونالډ ټرمپ سره ژمنه وکړه چې د افغانستان د سولې په پروسه کې به همکاري کوي او له دغه هېواد به د بهرنیو ځواکونو په وتلو کې مرسته کوي. هغه ویلي چې پاکستان ته له رسېدو سره سم به له طالب مشرانو سره هم وګوري او دوی به له افغان حکومت سره مخامخ خبرو ته تیار کړي. خو دلته په افغانستان کې د پاکستان پر نیت لا هم شته دی او دغه هېواد په سیمه کې د ترهګرۍ ملاتړی او دوه مخی لوبې کوونکی بولي.