حمد الله محب: د پایدارې سولې لپاره هڅه کوو، خو وخت غواړي

د ولسمشر د ملي امنیت مشاور وایي، د پایدارې سولې د ټینګښت لپاره هڅې کوي. حمدالله محب، چې د بغلان امنیتي وضعیت د ارزونې لپاره دغه ولایت ته تللی وایي، د سولې مذاکرات په ابتدايي مرحله کې دي او دغه پروسه ډېر وخت نیسي. محب وایي، چې سوله د ټولو افغانانو غوښتنه ده او حکومت د پایداره سولې د ټینګښت لپاره هڅې کوي، خو تېرې لاسته راوړنې به خوندي وي. نوموړی وایي، چې افغان حکومت د پایداره سولې په لټه کې دی او په مذاکراتو کې به تېرې لاسته راوړنې ساتل کیږي. محب بغلان ته په خپل سفر کې ویلي چې ددغه ولایت امنیت د کابل د امنیت لپاره خورا مهم دی او امنیتي چارواکو ته یې لارښوونې کړې چې ددغه ولایت د امنیت لپاره اړین اقدامات ترسره کړي. محب داسې مهال د سولې پروسه وخت نیوونکې بللې، چې ټاکل شوې په راتلونکو دوو اونیو کې طالب او امريکايي چارواکي د سولې تړون لاسليک کړي.