داعش ډلې په بنګله دېش کې د خپل حضور ادعا کړې

داعش ډلې ادعا کړې ده چې په بنګله دېش کې هم وجود لري. د یادې ډلې له لورې په یوې خپرې شوې اته دقیقې ویډیو کې ویل شوي چې ابوبکر البغدادي یې مشر دی او له ټولو هغو لوریو سره به خپلې مبارزې ته دوام ورکړي چې له مسلمانانو سره ظلم کوي. په خپرې شوې ویډیو کې وسله وال ښکاري او یو کس وایي چې دا کسان په بنګله دېش کې فعال حضور لري او خپلو فعالتونو ته به شدت ورکړي. ویډیو کې ویل شوي چې په عراق، افغانستان او میانمار کې په مسلمانانو ظلم روان دی او د دې ظلم د مخنیوي لپاره به خپله مبارزه دوامداره وساتي. خو د بنګله دېشي پوځ ویاند وایي، دوی تر اوسه دا خبره نه ردولی او نه هم تاییدولی شي ځکه چې په وینا یې هر څوک کولی شي داسې ویډیوګانې جوړې کړي.